भायानेट कम्युनिकेसनले पनि आइपिओ जारी गर्ने

मुख्य समाचार

गृहपृष्ठ
मुख्य समाचार

भायानेट कम्युनिकेसनले पनि आइपिओ जारी गर्ने

क्यापिटल नेपालबुधबार, कात्तिक १६, २०७९

काठमाडौं । इन्टरनेट तथा टिभी सेवा प्रदायक कम्पनी भायानेट कम्युनिकेसन लिमिटेडले आइपिओ जारी गर्ने तयारी गरेको छ । सन् १९९९ मा निजी इन्टरनेट सेवा प्रदायकको रूपमा स्थापित भायानेट देशको सञ्चार तथा प्रविधि क्षेत्रमा आफ्नो इनोभेटिभ प्रयासहरूका लागि परिचित छ।

सन् २०११ मा भायानेटले पहिलो चोटी फाइबर -टू-द-होम (FTTH) भनेर चिनिने फाइबर अप्टिक्स इन्टरनेटको सुरुवात गरेर नेपाललाई इन्टरनेटको नयाँ युगमा प्रवेश गर्न मद्दत गरेको थियो। त्यस्तै सन् २०१६ मा कम्पनीले नेपालमै पहिलो आइपिटिभी सेवाहरू मध्य एक ल्याएर आफ्नो इनोभेटिभ कम्पनीको परिचयलाई थप सुदृढ बनाएको थियो।

आईपीटीभी सेवाको सुरुवातले मुख्यतया केबल टेलिभिजनको प्रभुत्व रहेको समयमा ग्राहकलाई आधुनिक र उत्कृष्ट विकल्प प्रदान गर्‍यो। जसअनुसार भायाटिभीले पज एन्ड प्ले, भिडियो अन डिमान्ड, क्याच-अप टिभी जस्ता सुविधा तथा सेवाहरू मार्फत नेपाली टेलीभिजनका ग्राहकहरूको मन जित्न सफल भएको थियो ।

भायानेट आजको दिनमा देशका ३० सहरमा विस्तारित भइसकेको छ। आगामी दिनहरूमा कम्पनीले अझ धेरै सहर तथा गाउँमा आफ्नो सेवा विस्तार गरी धेरैभन्दा धेरै ग्राहकहरूलाई सेवा प्रदान गर्ने विश्वास लिएको छ।

प्रकाशित मिति: बुधबार, कात्तिक १६, २०७९ १५:४६

प्रतिक्रिया दिनुहोस्