सन् २०२२ मा सबैभन्दा बढी बिक्री हुने एसयुभी बन्यो ‘टोयोटा र्‍याभफोर’

मुख्य समाचार

गृहपृष्ठ
मुख्य समाचार

सन् २०२२ मा सबैभन्दा बढी बिक्री हुने एसयुभी बन्यो ‘टोयोटा र्‍याभफोर’

क्यापिटल नेपालसोमबार, माघ १६, २०७९

काठमाडौं। विश्वमा सबैभन्दा बढी बिक्री हुने भेहिकल कुन होला भन्ने विषय धेरैका चासोको विषय हुनसक्छ। विश्वबजारमा सयौं कम्पनीका सयौं मोडेलका भेहिकल प्रतिस्पर्धामा छन्। यसैबीच टोयोटा र्‍याभफोर सन् २०२२ मा पनि विश्वको सबैभन्दा बढी बिक्री हुने स्पोर्टस युटिलिटी भेहिकल (एसयुभी) बनेको छ।

अघिल्लो वर्ष सन् २०२१ मा पनि सबैभन्दा धेरै बिक्री हुने एसयुभी बनेको यो भेहिलक यसपटक पनि धेरै बिक्री हुने सूचीमा पर्न सफल भएको हो। अघिल्लो २०२१ मा भन्दा टोयोटाको र्‍याभ फोरको बिक्रीमा १३.७ प्रतिशतले गिरावट आए पनि सबैभन्दा बढी बिक्री हुने भेहिकल भने बन्न सफल भयो। सन् २०२२ मा विश्वभर ८ लाख ७१ हजार ५१३ वटा र्‍याभफोरको बिक्री भएका छन्।

र्‍याभफोर पछि धेरै संख्यामा बिक्री हुने मोडलमा अमेरिकी इभी कम्पनी टेस्लाको मोडल वाई रहेको छ। गत वर्ष विश्व भरमा ७ लाख ५८ हजार ५९९ वटा टेस्ला मोडल वाईको बिक्री भएको हो। टेस्लाको मोडल वाइको बिक्री अघिल्लो वर्षको तुलनामा ८८.३ प्रतिशतले बढेको हो।

तेस्रो धेरै संख्या बिक्री हुने एसयूभी ब्रान्डमा जापनिज कम्पनी होन्डाको सिआरभी भएको छ। होन्डा सिआरभी गत वर्ष ६ लाख १ हजार ८६० वटा बिक्री भएको हो। होन्डा सिआरभीको बिक्री पनि अघिल्लो वर्षको तुलनामा १७.८ प्रतिशतले घटेको हो। चौथो र पाँचौं धेरै बिक्री हुने एसयुभीमा कोरियन ब्रान्ड हुन्डाइ र किया भएको छ। सन् २०२२ मा हुन्डाइको टुसान ५ लाख ५६ हजार १९७ तथा किया स्पोर्टेज ४ लाख ६२ हजार ५१८ वटा बिक्री भएको हो।

छैटौं स्थानमा धेरै बिक्री हुने एसयुभीमा फक्सवागेन टिगुवान ४ लाख ३८ हजार १२३ युनिट, सातौंमा माज्दा सिएक्स फाइभ ३ लाख ६८ हजार ४२१ युनिट, आठौंमा टोयोटा हाइल्यान्डर र ३ लाख ३९ हजार ६१९ युनिट बिक्री भएको छ। त्यस्तै, नवौं धेरै संख्यामा बिक्री हुने एसयुभीमा मर्सडिजको जिएलएस मोडल ३ लाख २१ हजार ३९८ वटा तथा दशौंमा निसान कश्काइको बिक्री २ लाख ९९ हजार २९९ वटा भएको हो।

प्रकाशित मिति: सोमबार, माघ १६, २०७९ १६:५३

प्रतिक्रिया दिनुहोस्