शाराडा ग्रुपको प्रिमियर वायरको व्यापार पौने ३ अर्ब

उद्योग

गृहपृष्ठ
उद्योग

शाराडा ग्रुपको प्रिमियर वायरको व्यापार पौने ३ अर्ब

क्यापिटल नेपाल बिहीबार, चैत ९, २०७९

काठमाडौं। शाराडा ग्रुपले सञ्चालन गरिरहेको प्रिमियर वायर्स प्राइभेट लिमिटेडले एक वर्षमा झन्डै पौने ३ अर्ब रुपैयाँको कारोबार गरेको छ।

उद्योगले जिआइ वायर, ग्याभिन बक्स, एसिएसआर कन्डक्टर, पिभिसी केबल, स्टिल वायर, कपर र केबल बेचेर २ अर्ब ७९ करोड ७९ लाख रुपैयाँ सञ्चालन आम्दानी गरेको छ।

२०२१ मा उद्योगको सञ्चालन आम्दानी ३ अर्ब ५४ करोड ६० लाख रुपैयाँ थियो। यस्तै २०२० मा ३ अर्ब ३९ करोड ४० लाख, २०१९ मा ३ अर्ब ८३ करोड ४० लाख र २०१८ मा ३ अर्ब ३९ करोड २० लाख रुपैयाँको व्यापार गरेको उद्योगको सार्वजनिक वित्तीय विवरणमा उल्लेख छ।

२०२२ मा उद्योगको आम्दानीमा वायर सेग्मेन्टको हिस्सा ठूलो रहेकाे छ। कुल कारोबारको ६४ प्रतिशत हिस्सा वायर सेग्मेन्टको छ भने बाँकी ३१ प्रतिशत कन्डक्टर र केबल सेग्मेन्टको छ। उद्योगले ३ अर्ब ७७ करोड ३३ लाख रुपैयाँ ऋणको रेटिङ गराएको छ।

शिवरत्न शाराडाले सन् २००० सालमा स्थापना गरेको प्रिमियर वार्यस देशको पुरानो केबल उद्योग हो। उद्योगमा शारडा परिवारको १३ जनाको सेयर छ। उद्योग मोरङको बुढीगंगा गाउँपालिकामा छ।

प्रकाशित मिति: बिहीबार, चैत ९, २०७९ ११:२७

प्रतिक्रिया दिनुहोस्