गुरु न्यौपानेविरुद्ध मुद्दा दायर, ३ करोड २३ लाख जरिवाना र कैद सजाय माग

सेयर

गृहपृष्ठ
सेयर

गुरु न्यौपानेविरुद्ध मुद्दा दायर, ३ करोड २३ लाख जरिवाना र कैद सजाय माग

क्यापिटल नेपाल बिहीबार, चैत ९, २०७९

काठमाडौं। जिल्ला अदालत काठमाडौँमा ऊर्जा व्यवसायी गुरुप्रसाद न्यौपानेविरुद्ध ३ करोड २३ लाख रुपैयाँ बिगो र कैद सजाय माग गर्दै मुद्दा दायर गरिएको छ।

सेयरको भित्री कारोबार (इन्साइडर ट्रेडिङ)को अभियोगमा न्यौपानेविरुद्ध जिल्ला सरकारी वकिल कार्यालय काठमाडौँले उक्त मुद्दा दायर गरेको हो । नेपाल धितोपत्र बोर्डको जाहेरीपछि प्रहरीले अनुसन्धान गरेको थियो।

रिडी पावर कम्पनी लिमिटेडमा अध्यक्ष रहँदा न्यौपानेले सोही कम्पनीको सेयर कारोबार गरेको र त्यसबाट ३ करोड २३ लाख रुपैयाँ अनधिकृत लाभ लिएको देखिएको अभियोगपत्रमा उल्लेख गरिएको छ।

न्यौपाने र नेपाल हाइड्रो डेभलपर्स कम्पनीका अध्यक्ष ज्ञानेन्द्रलाल प्रधानले अवैधरूपमा सेयर कारोबार गरेको ठहर गर्दै नेपाल धितोपत्र बोर्डले २०७९ मङ्सिर २४ गते कारबाही गर्ने निर्णय गरेको थियो। सोहीअनुसार अनुसन्धानपछि न्यौपानेविरुद्ध मुद्दा दायर गरिएको हो।रासस

प्रकाशित मिति: बिहीबार, चैत ९, २०७९ २०:२३

प्रतिक्रिया दिनुहोस्