मतदान स्थलमा होहल्ला भएपछि उद्योग वाणिज्य महासंघको मतदान रोकियो

उद्योग

गृहपृष्ठ
उद्योग

मतदान स्थलमा होहल्ला भएपछि उद्योग वाणिज्य महासंघको मतदान रोकियो

क्यापिटल नेपाल बुधबार, चैत २९, २०७९

काठमाडौं। मतदान स्थलमा होहल्ला भएपछि नेपाल उद्योग वाणिज्य महासंघको मतदान रोकिएको छ। जिल्ला नगरका मतदाता तथा समर्थक एसोसिएटको मतदान स्थलमा होहल्ला गर्न आएपछि मतदान प्रक्रिया रोेकिएको हो।

बुधबार बिहान ८ बजेदेखि सुरु हुने भनिए पनि प्राविधिक तयारी नपुगेको भन्दै दुई घण्टा ढिला सुरु भएको मतदान प्रक्रिया पुनः अवरोध भएको हो। निर्वाचन समितिका अधिकारीहरू आएर होहल्ला गर्नेहरूलाई हटाएका छन् र मतदानस्थल प्रज्ञा भवनको सुरक्षा बढाइएको छ।

महासंघको नयाँ कार्यसमिति (२०८०–२०८३) चयनका लागि जिल्ला नगर र वस्तुगततर्फ एक र एसाेसिएटतर्फ ३ वटा बुथ कायम गरिएको छ। महासंघको कार्यसमिति सदस्यमा चार जना सर्वसम्मत निर्वाचित भइसकेकाले निर्वाचनबाट एक वरिष्ठ उपाध्यक्ष, तीन उपाध्यक्ष र ५९ जना कार्यसमिति सदस्य चुनिने छन्।

प्रकाशित मिति: बुधबार, चैत २९, २०७९ ११:३८

प्रतिक्रिया दिनुहोस्