भारतको अर्थतन्त्र सुधार हुँदा हवाई यात्रा गर्नेको संख्याले बनायो कीर्तिमान

अन्तर्राष्ट्रिय

गृहपृष्ठ
अन्तर्राष्ट्रिय

भारतको अर्थतन्त्र सुधार हुँदा हवाई यात्रा गर्नेको संख्याले बनायो कीर्तिमान

क्यापिटल नेपाल बुधबार, वैशाख २०, २०८०

काठमाडौं। भारतमा आन्तरिक उडान गर्ने यात्रुको संख्या बढ्दा अर्थतन्त्र सुधारको बाटोमा अघि बढेको छ। अप्रिल ३० मा एकै दिन ४ लाख ६६ हजार ८२ यात्रुले आन्तरिक उडान भरेर कीर्तिमान कायम भएको हाे।

हवाइ यात्रुको संख्या बढ्नुको अर्थ कोरोना संक्रमण पछि भारतीय अर्थतन्त्रमा सकरात्कम प्रभाव परेको मन्त्री ज्योतिरादित्य सिन्धियाले ट्वीटमार्फत् जानकारी गराएका छन्।

दुई हजार ९ सय ७८ उडानमार्फत् ४ लाख ६६ हजार ८२ जनाले यात्रा गरेका थिए। कोरोना संक्रमणपछि आन्तरिक यात्रा गर्नेको संख्या बढ्नु भारतको अर्थतन्त्र सुधारोन्मुख भएको उनको भनाइ छ।

सन् २०२२ को सुरुका ३ महिनामा भन्दा २०२३ को ३ महिनामा आन्तरिक हवाइ यात्रुको संख्या ५१.७ प्रतिशतले बढेको भारतको नागरिक उड्डयन महानिर्देशनालयले जनाएको छ।

कोरोना संक्रमणको समयमा स्थिर जस्तै बनेको भारको हवाइ क्षेत्र पछिल्ला केही महिना यता तिव्र गतिमा चलाएमान भएको छ। हवाइ क्षेत्र सकारात्मक प्रभाव पर्दा भारतकै कूल ग्रार्हस्थ्य उत्पादन पनि तिव्र गतिले बढेको बताइएको छ। बीबीसी

प्रकाशित मिति: बुधबार, वैशाख २०, २०८० १३:५७

प्रतिक्रिया दिनुहोस्