पर्यटन

नेवानि कार्यकारी अध्यक्ष अधिकारीलाई उड्डयन प्राधिकरणको प्रश्न– ‘एकाउन्टेबल म्यानेजर’ बाट किन नहटाउने?

क्यापिटल नेपालबुधबार, वैशाख २०, २०८०

काठमाडौं। मुलुकको उड्डयन क्षेत्रको नियामक निकाय नेपाल नागरिक उड्डयन प्राधिकरणले नेपाल वायुसेवा निगम (नेवानि) का कार्यकारी अध्यक्ष युवराज अधिकारीलाई पुनः स्पष्टीकरण मागेको छ।

यसअघि बुझाएको स्पष्टीकरण चित्तबुझ्दो नभएको भन्दै प्राधिकरणले कार्यकारी अध्यक्ष अधिकारीलाई ‘एकाउन्टेबल म्यानेजरबाट तपाईंलाई किन नहटाउने?’ भन्ने प्रश्नसमेत सोधेको छ।

प्राधिकरणको आ.वि. तथा सुविधादेय विभागका प्रुमख उसवराज खरेलले हस्ताक्षर गरेको पत्रमा तीन बुँदामा स्पष्टीकरण मागिएको छ। तीन दिन भित्रमा आफै उपस्थीत भएर स्पष्टीकरण बुझाउन समेत कार्यकारी अध्यक्ष अधिकारीलाई निर्देशन दिइएको छ।

याे पनि पढ्नुहाेस्

नेवानि अध्यक्ष अधिकारीको कार्यकारी अधिकार ‘खोस्न’ कानुनी छिद्र खोज्दै उड्डयन प्राधिकरण

यस्तो छ स्पष्टीकरणपत्रमा सोधिएका प्रश्न

१. नेपाल सरकार मन्त्रिपरिषदबाट स्वीकृत भएको नियमावलीको नीतिगत व्यवस्था हालसम्म कार्यान्वयन नगर्नुको कारण के हो?

२. नेपालको उड्डयन क्षेत्रको नियामक नेपाल नागरिक उड्डयन प्राधिकरणको महानिर्देशकले भूमिस्थ सेवा प्रदायक निकायको अनिवार्य लागू गर्नुपर्ने गरी स्वीकृत गरेको सिभिल एभिएसन अथोरिटी अफ नेपाल ग्राउन्ड ह्यान्डलिङ सर्भिस चार्ज २०२२ बमोजिमको संशोधित ग्राउन्ड ह्यान्डलिङ शुल्क र शुल्कमा ५० प्रतिशत छुट दिई नयाँ सञ्चालनमा आएका अन्तर्राष्ट्रिय विमानस्थलमा उडान गर्ने अन्तर्राष्ट्रिय वायुसेवाहरूलाई आकर्षित गर्न गरिएको प्रयासमा समयमै कार्यान्वयन नहुँदा वायुसेवा कम्पनी तथा विमानस्थलले बेहोरेको क्षतिको जिम्मेवारी निगमले लिनुपर्ने वा नपर्ने?

याे पनि पढ्नुहाेस्

बैंकजस्तै एयरलाइन्स सिइओ बन्न न्यूनतम योग्यता तोक्दै उड्डयन प्राधिकरण

३. नागरिक उड्डयन प्राधिकरणले गरेको नीतिगत निर्णय कार्यन्वयनमा नेवानिले गरेको ढिलासुस्ती तथा अवज्ञाको मुख्य जिम्मेवार व्यक्ति तपाईंलाई नेवानिको एकाउन्टेबल म्यानेजरबाट किन नहटाउने?

प्रकाशित मिति: बुधबार, वैशाख २०, २०८० १७:३५

प्रतिक्रिया दिनुहोस्