एनवाइइएफ काठमाडौं अध्यक्षमा प्रार्थना साखः

स्टार्टअप

गृहपृष्ठ
स्टार्टअप

एनवाइइएफ काठमाडौं अध्यक्षमा प्रार्थना साखः

क्यापिटल नेपाल आइतबार, असार ३, २०८०

काठमाडौं। पाल उद्योग वाणिज्य महासंघअन्तर्गतको नेपाली युवा उद्यमी मञ्च (एनवाइइएफ) काठमाडौं अध्यक्षमा प्रार्थना साखः निर्वाचित भएकी छिन्।

असार १ गते बसेको मञ्चको पाँचौ साधारणसभाले साखः लाई अध्यक्षमा नियुक्त गरेको हो। यस्तै मञ्चको सदस्यमा ११ जना चयन भएका छन् ।

कार्यसमितिको प्रथम उपाध्यक्षमा अभिमन्यु गोल्छा र द्धितिय उपाध्यक्ष अप्पा शेर्पा चयन भएका छन्। यसैगरी, कार्यकारी सदस्यमा अनुभव श्रेष्ठ, क्षितिज तामाङ, इच्छा मल्ल, निर्देश द्वा, निशित मित्तल, रसना श्रेष्ठ, सन्दिप शर्मा, सुरक्षा अधिकारी र सन्तोष पाण्डे चएन भएका छन्।

नवनिर्वाचित टोलीले काठमाडौंको उद्यमशीलताको भावना जगाउने र स्थानीय स्टार्टअप इकोसिस्टममा सकारात्मक परिवर्तन ल्याउने अभियानलाई अगाडि बढाउने लगायतका प्रतिबद्धता गरेका छन्।

मञ्चको अघिल्लो कार्यकालका उपलब्धिलाई समेटेर एनवाइइएफ काठमाडौंलाई अझ ठूलो उचाइमा पुर्‍याउने उनीहरूको प्रतिबद्धता छ।

प्रकाशित मिति: आइतबार, असार ३, २०८० १७:४८