काठमाडौं महानगरले संरक्षण गर्‍यो १२३ रोपनी सार्वजनिक जग्गा, बनायो ४२ किलोमिटर सडक

पूर्वाधार

गृहपृष्ठ
पूर्वाधार

काठमाडौं महानगरले संरक्षण गर्‍यो १२३ रोपनी सार्वजनिक जग्गा, बनायो ४२ किलोमिटर सडक

क्यापिटल नेपालबुधबार, असार ६, २०८०

काठमाडौं। काठमाडौं महानगरपालिकाले १ सय २३ रोपनी सार्वजनिक जग्गा संरक्षण गरेको छ।

लामो समयदेखि सार्वजनिक जग्गा अनधिकृत प्रयोग भइरहेको गुनासाहरूलाई विशेष प्राथमिकतामा राखेर काम गर्दा १ सय २३ रोपनी सार्वजनिक जग्गा संरक्षण गरिएको नगर प्रमुख बालेन्द्र शाहले जनाएका छन्।

नयाँ पार्क निर्माण, स्मार्ट सडकबत्ती जडान, फुटपाथ निर्माणलगायतमा पनि महानरले काम गरिरहेको उनले सामाजिक सञ्जालमार्फत जानकारी दिएका हुन्।

२५ वटा नयाँ पार्कको निर्माण भएको, सहरको सुरक्षा र पैदल यात्रीलाई सहजताका लागि महानगरले १ हजार ७ सय वटा स्मार्ट सडकबत्ती जडान, ४२ किलोमिटर सडक कालोपत्रे, ७ किलोमिटर नयाँ ढल निर्माण र १ हजार ५ सय मिटर फुटपाथ निर्माण गरिएको उनले जानकारी दिए।

त्यसैगरी महानगरले सार्वजनिक शौचालय र सामुदायिक विद्यालय भवन निर्माण तथा मर्मतलगायतका पूर्वाधार विकासका कार्य पनि सम्पन्न गरिएको शाहले जनाएका छन्।

प्रकाशित मिति: बुधबार, असार ६, २०८० १७:३७

प्रतिक्रिया दिनुहोस्