प्रधानमन्त्रीको भारत भ्रमणमा भएका ऊर्जासम्बन्धी सम्झौता सार्वजनिक गर्न सांसद विष्टको माग

पूर्वाधार

गृहपृष्ठ
पूर्वाधार

प्रधानमन्त्रीको भारत भ्रमणमा भएका ऊर्जासम्बन्धी सम्झौता सार्वजनिक गर्न सांसद विष्टको माग

क्यापिटल नेपालबिहीबार, असार ७, २०८०

काठमाडौं। एमाले सांसद गोकर्ण विष्टले प्रधानमन्त्रीको भारत भ्रमणका क्रममा भएका सम्झौताहरू सार्वजनिक गर्न माग गरेका छन्। बिहीबार विकास समितिमा ऊर्जा जलस्रोत तथा सिँचाइ मन्त्रालयको आय/व्ययको छलफलमा बोल्दै सांसद विष्टले उक्त माग गरेका हुन्।

गत जेठमा प्रधानमन्त्री पुष्पकमल दाहाल ‘प्रचण्ड’ को भारत भ्रमणमा विद्युत व्यापारसम्बन्धी सम्झौता भएको थियो। उक्त सम्झौताको विषयमा संसद बैठकमा प्रधानमन्त्रीले बोले पनि पत्र सार्वजनिक नगरेकोप्रति सांसद विष्टले आपत्ति जनाएका छन्।

‘प्रधानमन्त्रीले संसद बैठकमै सम्झौता गरेको बोल्नुभएको छ। तर, सम्झौता सार्वजनिक अहिलेसम्म किन भएन?,’ उनले प्रश्न गरे, ‘मौखिक सहमति होइन होला, पक्कै लिखित भएको हुनुपर्छ, सम्झौता किन लुकाउने?’