सन् २०४५ मा विश्वको दैनिक तेल माग ११ करोड ब्यारेल पुग्छ : ओपेक

अन्तर्राष्ट्रिय

गृहपृष्ठ
अन्तर्राष्ट्रिय

सन् २०४५ मा विश्वको दैनिक तेल माग ११ करोड ब्यारेल पुग्छ : ओपेक

क्यापिटल नेपालसोमबार, असार ११, २०८०

काठमाडौं । अबको दुई दशकमा विश्वभर तेलको माग बढेर दैनिक ११ करोड ब्यारेलमा पुग्ने अनुमान गरिएको छ । पेट्रोलियम निर्यातकर्ता देशहरूको संगठन (ओपेक)ले सोमवार यस्तो बताएको हो । ओपेकका अनुसार करीब २० वर्षमा विश्वको इन्धन माग अहिलेको भन्दा २३ प्रतिशतले बढ्नेछ ।

निकट भविष्यसम्मै पनि तेल प्रतिस्थापन नहुने ओपेकका महासचिव हाइथाम अल घाइसले मलेशियाको क्वालालम्पुरमा आयोजित ऊर्जा सम्मेलनमा बताएका छन् । संगठनको विश्वव्यापी परिदृश्यमा सन् २०४५ सम्ममा विश्वको तेल माग बढेर दैनिक ११ करोड डलरमा पुग्ने उनले बताए । त्यति बेला माग हुने कूल इन्धनमा तेलको अनुपात २९ प्रतिशत हुने उनको भनाइ छ ।

उनका अनुसार सन् २०४५ सम्ममा विश्वको ऊर्जा माग २३ प्रतिशतले बढ्नेछ । ओपेकको यो प्रक्षेपण अन्तरराष्ट्रिय ऊर्जा निकाय (आईईए)को प्रक्षेपणसँग बाझिन्छ । आईईएका अनुसार सन् २०२३ मा दैनिक माग वृद्धि २४ लाख ब्यारेलबाट घटेर सन् २०२८ मा दैनिक ४ लाख ब्यारेलमा झर्ने छ । आईईएले दुई हप्ताअघि सन् २०२८ मा तेलको दैनिक माग १० करोड ५७ लाख ब्यारेल रहने भनेको थियो । एजेन्सी

प्रकाशित मिति: सोमबार, असार ११, २०८० १६:५७

प्रतिक्रिया दिनुहोस्