होटल मिस्टिक माउन्टेनको व्यापारमा चमक, एक वर्षमा गर्यो २५ करोड कारोबार

पर्यटन

गृहपृष्ठ
पर्यटन

होटल मिस्टिक माउन्टेनको व्यापारमा चमक, एक वर्षमा गर्यो २५ करोड कारोबार

क्यापिटल नेपालबुधबार, असार २०, २०८०

काठमाडौं। चारतारे स्तरको होटल मिस्टिक माउन्टेन प्रालिको व्यापार १ सय ७१ प्रतिशत बढेको छ। मिस्टक माउन्टेनले २५ करोड २० लाख रुपैयाँ व्यापार गरेको छ।

सन् २०२१ मा होटलले ९ करोड ३० लाख रुपैयाँ कारोबार गरेको थियो। एक वर्षमा होटलको आम्दानी झण्डै १६ करोड रुपैयाँ बढेको सार्वजनिक गरिएको वित्तीय विवरणमा उल्लेख छ। मिस्टिक माउन्टेनले २०२० मा १४ करोड ८० लाख र २०१९ मा २२ करोड २० लाख रुपैयाँ कारोबार गरेको थियो।

होटलले ५६ करोड रुपैयाँ ऋणको रेटिङ गराएको छ।

२०१३ मा स्थापना भएको मिस्टिक माउन्टेन २०१७ मा ३३ कोठासहित सञ्चालनमा आएको हो। अहिले होटलमा सुविधा सम्पन्न ७२ कोठा छन्। होटल राजधानी काठमाडौंबाट ३० किलोमिट दुरीमा नगरकोटको काभ्रेको मण्डन देउपुरमा छ।

३.५ एक्कड क्षेफलमा फैलिएको होटल दुई ब्लक छन्। होटलको सबै स्वामित्व दोसो पुस्ताका व्यवसायी बालकृष्ण ध्वजुको छ। मिस्टिक माउन्टेनमा विदेशी तथा स्वदेशी चेन होटल सम्बन्धन छैन्। मिस्टिक माउन्टेनलाई पर्यटन विभागले चारतारे स्तर दिएको छ।

होटल सञ्चालक धोजुसँग होटल उद्योगमा २० वर्षभन्दा बढीको अनुभव छ। विगतमा उनको परिवारको स्वामित्वमा रहेको तीन तारे होटलको महाप्रबन्धकको रूपमा काम गरेको अनुभव छ।

प्रकाशित मिति: बुधबार, असार २०, २०८० २०:२९

प्रतिक्रिया दिनुहोस्