बचतकर्ताको साढे ६ अर्ब रकम अपचलन आरोपमा कान्तिपुर सहकारीका अध्यक्ष पक्राउ

सहकारी

गृहपृष्ठ
सहकारी

बचतकर्ताको साढे ६ अर्ब रकम अपचलन आरोपमा कान्तिपुर सहकारीका अध्यक्ष पक्राउ

क्यापिटल नेपाल मंगलबार, फागुन ८, २०८०

काठमाडौं। साढे ६ अर्ब रुपैयाँ दुरुपयोग गरी व्यक्तिगत नाममा घरजग्गा, निजी कम्पनी र रिसोर्टमा लगानी गरेर बचतकर्ताको रकम हिनामिना गरेको उजुरीपछि कान्तिपुर सहकारीका अध्यक्ष हिमालयविक्रम मल्ल ठकुरी प्रहरी पक्राउमा परेका छन्।

आज प्रहरीले सहकारी ठगी उजुरी परेपछि अध्यक्ष ठकुरीलाई पक्राउ गरेको हो। फागुन ४ मा भूमि व्यवस्था, सहकारी तथा गरिबी निवारण मन्त्रालयले कान्तिपुर सहकारीलाई समस्याग्रस्त घोषणाको निर्णय गरेको थियो।

सहकारी विभागको नियमन क्षेत्रभित्र पर्ने सहकारी संस्थाले सहकारी ऐन, नियम, मूल्य मान्यता विपरीत कार्य गरी बचतकर्ता सदस्यको बचत रकम फिर्ता नगरेको भन्दै विभागको सिफारिसमा मन्त्रालयले समस्याग्रस्त घोषणा गरेको हो।

प्रकाशित मिति: मंगलबार, फागुन ८, २०८० १७:४२