सर्वसाधारणका लागि सर्वोत्तम सिमेन्टको आइपिओ खुला

सेयर

गृहपृष्ठ
सेयर

सर्वसाधारणका लागि सर्वोत्तम सिमेन्टको आइपिओ खुला

क्यापिटल नेपाल आइतबार, फागुन १३, २०८०

काठमाडौं। सर्वोत्तम सिमेन्टको आइपिओ आइतबारबाट खुला भएको छ। बुक बिल्डिङ प्रक्रियामार्फत् सर्वोत्तमले आइतबारबाट आइपिओ निष्कासन तथा बिक्री खुला गरेको हो।

उद्योग तथा खानी उत्खनन् प्रभावित क्षेत्रका बासिन्दा र वैदेशिक रोजगारीमा रहेका नेपालीका लागि यस अघि नै आइपिओ निष्कासन तथा बाँडफाँट गरेको कम्पनीले आइतबारबाट सर्वसाधारणका लागि खुला गरेको हो।

कम्पनीले स्थानीय बासिन्दाका लागि निष्कासन गरेको सेयरमा आवेदन नपरेको ६ लाख ८१ हजार ५३० कित्ता सहित कुल २७ लाख ७६ हजार ७६ कित्ता सेयर सर्वसाधारणका लागि निष्कासन गरेको छ। सर्वसाधारणले उक्त आइपिओमा प्रतिकित्ता ३६० रूपैयाँ ९० पैसाका दरले आवेदन दिनु पर्नेछ।

न्यूनतम ५० कित्ताका लागि आवेदन दिनु पर्ने यस कम्पनीको आइपिओमा अधिकतममा १० हजार कित्तासम्मका लागि आवेदन दिन सकिन्छ।

आइतबारबाट खुला भएको यस कम्पनीको आइपिओमा फागुन १६ गतेसम्म आवेदन दिन सकिनेछ। उक्त समयसम्म सम्पूर्ण कित्ताको लागि आवेदन नपरेमा बिक्री अवधि फागुन २७ गतेसम्म लम्बिनेछ।

कम्पनीलाई इक्रा नेपालले ‘इक्रा एनपी इस्युअर रेटिङ ट्रिपल बी’ प्रदान गरेको छ। कम्पनीको धितोपत्र निष्कासन तथा बिक्री प्रबन्धक ग्लोबल आइएमई क्यापिटल लिमिटेड रहेको छ भने सह निष्कासन तथा बिक्री प्रबन्धकमा एनआइएमबि एस क्यापिटल र प्रभु क्यापिटल लिमिटेड रहेको छ।

प्रकाशित मिति: आइतबार, फागुन १३, २०८० १२:४२

प्रतिक्रिया दिनुहोस्