नेप्सेमा १७.३० अंकको गिरावट, सर्वोत्तम सिमेन्टको सेयर मूल्यमा नकारात्मक सर्किट

सेयर

गृहपृष्ठ
सेयर

नेप्सेमा १७.३० अंकको गिरावट, सर्वोत्तम सिमेन्टको सेयर मूल्यमा नकारात्मक सर्किट

क्यापिटल नेपाल आइतबार, चैत १८, २०८०

काठमाडौं। सेयर बजारमा उच्च अंकको गिरावट आएको छ। साताको कारोबारको पहिलो दिन आइतबार सेयर बजार सूचक नेपाल स्टक एक्सचेञ्ज (नेप्से) १७.३० अंकले घटेर २०१८.३३ को बिन्दुमा बन्नद भएको छ।

अघिल्लो कारोबार दिन बिहीबार भने नेप्से ४.७८ अंकले बढेर २०३५.६४ को बिन्दुमा बन्द भएको हो। अघिल्लो कारोबारको तुलनामा आइतबार कारोबार रकम भने बढेको छ। आज कुल ३ अर्ब २० करोड रुपैयाँ बराबरीको कारोबार भएको छ। अघिल्लो कारोबार दिन बिहीबार भने कुल २ अर्ब ६३ करोड रुपैयाँ बढीको कारोबार भएको थियो।

आइतबार कारोबारमा आएकामध्ये ६३ कम्पनीको सेयर मूल्य बढ्दा १ सय ७२ कम्पनीको घटेको छ। यस्तै, १० कम्पनीको सेयर मूल्य स्थिर छ। आइतबार माया खोला हाइड्रोपावर कम्पनी लिमिटेड कम्पनीको सेयर मूल्यमा सकरात्मक सर्किट लागेको छ। यस्तै, लगातार सकरात्मक सर्किट लाग्दै आएको सर्वोत्तम सिमेन्टको सेयर मूल्यमा नकरात्मक सर्किट लागेको छ। यस कम्पनीको सेयर मूल्य ९.९९ प्रतिशतले घटेको छ।

आइतबार निर्जीवन बिमा कम्पनी उपसमूहको सेयर मूल्य ०.१२ प्रतिशतले बढ्नेबाहेक अन्य सबै उपसमूह राताम्य भएको छन्। उत्पादनमूलक उपसमूहमा सर्वाधिक अर्थात् ३.६५ प्रतिशतको गिरावट आएको छ।

प्रकाशित मिति: आइतबार, चैत १८, २०८० १५:२०

प्रतिक्रिया दिनुहोस्