दुर्गम तथा विकट क्षेत्रमा भू–उपग्रहमा आधारित इन्टरनेट सेवा प्रदान गरिने

प्रविधि

गृहपृष्ठ
प्रविधि

दुर्गम तथा विकट क्षेत्रमा भू–उपग्रहमा आधारित इन्टरनेट सेवा प्रदान गरिने

क्यापिटल नेपाल मंगलबार, जेठ १, २०८१

काठमाडौं। सरकारले दुर्गम तथा विकट क्षेत्रमा भू–उपग्रहमा आधारित इन्टरनेट सेवा प्रदान गर्ने घोषणा गरेको छ। मंगलबार प्रस्तुत सरकारको नीति तथा कार्यक्रममा यस्तो घोषणा गरिएको हो।

‘दुर्गम र विकट क्षेत्रमा भू–उपग्रहमा आधारित इन्टरनेट सेवाको प्रारम्भ गरिनेछ,’ नीति तथा कार्यक्रमा भनिएको छ, ‘साइबर सुुरक्षासम्बन्धी अनुसन्धान कार्य तथा जनचेतना फैलाउने कामलाई प्रभावकारी बनाउन संस्थागत व्यवस्था गरिनेछ।’

कार्यक्रममा ब्रोडब्यान्ड इन्टरनेट विस्तार गरी ब्रोडब्यान्ड सेवालाई गुणस्तरी बनाइने, सबै स्थानीय तहका केन्द्र तथा वडाकेन्द्रसम्म द्रुतगतिको सेवा उपलब्ध गराउन उच्च क्षमताको अप्टिकल फाइबर विस्तार गर्ने कार्यलाई तिब्रता दिइने पनि उल्लेख गरिएको छ।

‘नेपालको आफ्नै भू–उपग्रह स्थापना गर्ने कार्य अघि बढाइने छ। डाटा सेन्टरको स्थापना र सञ्चालन सम्बन्धी मार्गदर्शन तयार गरिनेछ। सूचना प्रविधि राष्ट्रिय ज्ञानपार्क स्थापना कार्य अगाडि बढाइनेछ’ नीति तथा कार्यक्रममा भनिएको छ।

नीति तथा कार्यक्रमा सार्वजनिक निकायमा प्रयोग भइरहेको हार्डवेयर, सफ्टवेयर, नेटवर्क, साइबर प्रणालीको प्राविधिक परीक्षण गरिने र स्वेदशमा विकसित सफ्टवेयरलाई प्राथमिकतिा दिइ प्रयोग गर्ने विषय प्राथमिकतामा राखिने पनि उल्लेख छ।

प्रकाशित मिति: मंगलबार, जेठ १, २०८१ १६:४१

प्रतिक्रिया दिनुहोस्