भारतमा लोकसभा निर्वाचन, सत्तारुढ भाजपाले गुमायो बहुमत

अन्तर्राष्ट्रिय

गृहपृष्ठ
अन्तर्राष्ट्रिय

भारतमा लोकसभा निर्वाचन, सत्तारुढ भाजपाले गुमायो बहुमत

क्यापिटल नेपाल बुधबार, जेठ २३, २०८१

काठमाडौं । छिमेकी भारतमा लोकसभा निर्वाचनको सबै परिणाम सार्वजनिक भएको छ। भारतीय सञ्चार माध्यमका अनुसार ५४२ सिटका लागि भएको निर्वाचनमा सत्तारुढ भारतीय जनता पार्टी (भाजपा) नेतृत्वको राष्ट्रिय लोकतान्त्रिक गठबन्धन एनडीएले बहुमत प्राप्त गरेको छ।

एनडीए गठबन्धनले २९३ सिट जितेको भारतीय सञ्चार माध्यमले जनाएका छन्। सन् २०१९ को निर्वाचनमा ३०३ सिट जितेको भाजपा अहिलेको निर्वाचनमा २४० सिटमा समेटिएको छ। भारतमा सरकार निर्माणका लागि ३७२ सिट आवश्यक पर्ने संविधानमा उल्लेख छ।

भाजपाले अघिल्लो चुनावको तुलनामा यसपालि लोकसभामा २० प्रतिशत बढी शक्ति गुमाएको भारतीय सञ्चार माध्यमले बताएका छन् । अघिल्लो लोकसभा चुनावमा भाजपा एक्लैले ३०३ सिट जितेको थियो।

यसैगरी कांग्रेस नेतृत्वको विपक्षी गठबन्धनले २३१ सिट जितेको छ। कंग्रेस आईले ९९ सिटमा जित हात पारेको छ। भारतमा बहुमतका लागि २७२ सिट जित्नुपर्ने भए पनि कुनै पनि दलले एकल बहुमत नल्याएपछि भाजपा वा विपक्षी गठबन्धलाई अन्य दलको सहयोग आवश्यक पर्नेछ।

भारतमा हिन्दुत्वको वकालत गर्दै आएको भाजपाको नेतृत्वमा नरेन्द्र मोदीले दुई कार्यकाल सरकार चलाइसकेका छन्। भारतका केन्द्र शासितसहित ३२ राज्य छन्।

यीमध्ये लोकसभा निर्वाचनमा सबैभन्दा ठूलो संख्या नेपालको सीमा जोडिएको उत्तर प्रदेशबाट मात्रै ८० जना निर्वाचित हुन्छन्। यसअघिको निर्वाचनमा उत्तर प्रदेशबाट ६३ सिट ल्याएको भाजपा अहिले ४३ सिटमै सीमित भएको छ। भाजपाका दिग्गज नेता र संघीय १९ मन्त्रीले निर्वाचनमा पराजित भएका छन्। – एजेन्सी

प्रकाशित मिति: बुधबार, जेठ २३, २०८१ १२:४९

प्रतिक्रिया दिनुहोस्