कर्जा बिक्री गर्ने बैंक, वित्तीय संस्थाको जोखिमभार २० प्रतिशतमा झर्‍यो

बैंकिङ

गृहपृष्ठ
बैंकिङ

कर्जा बिक्री गर्ने बैंक, वित्तीय संस्थाको जोखिमभार २० प्रतिशतमा झर्‍यो

क्यापिटल नेपाल शुक्रबार, साउन १८, २०८१

काठमाडौं । नेपाल राष्ट्र बैंकले पुँजीकोषमा दबाब भएका बैंक तथा वित्तीय संस्थाले कर्जा बिक्री गर्न चाहेमा कर्जाको जोखिमभार २० प्रतिशतमात्रै कायम गरे पुग्ने व्यवस्था लागू गरेको छ।

राष्ट्र बैंकले चालू आर्थिक वर्षको मौद्रिक नीति तर्जुमा गर्दै कर्जा खरिद बिक्रीको जोखिमभार घटाउने घोषणा गरेको थियो। सोहीअनुरूप शुक्रबार बैंक तथा वित्तीय संस्थालाई जारी गरिएको एकीकृत निर्देशन, २०८० संशोधन गर्दै कर्जा बिक्रीको जोखिमभार १०० प्रतिशतबाट घटाएर २० प्रतिशत कायम गरेको हो।

बैंक, वित्तीय संस्थाले कर्जा खरिद बिक्री गर्दा कथमकदाचित खरिदकर्ता संस्थाले कर्जा उठाउन नसकेमा सो कर्जा पुनः आफैंले खरिद गर्ने सर्तमा राष्ट्र बैंकले जोखिमभार घटाएको हो। बिक्रेताले यस्तो कर्जा पुनर्खरिद नगर्दासम्म संयोगीक दायित्वको रूपमा आफ्नो वित्तीय वितरणको सम्भावित दायित्व र लेखासम्बन्धी टिप्पणीको अनुसूची देखाउनुपर्ने र यस्तो संयोगीक दायित्वलाई पुँजीकोष गणना गर्ने प्रयोजनका लागि जोखिमभार २० प्रतिशत हुने राष्ट्र बैंकले जनाएको छ।