नविनराज सिंह विद्युत् विकास विभागमा तेस्रो पटक महानिर्देशक

अर्थतन्त्र

गृहपृष्ठ
अर्थतन्त्र

नविनराज सिंह विद्युत् विकास विभागमा तेस्रो पटक महानिर्देशक

क्यापिटल नेपाल आइतबार, साउन २०, २०८१

काठमाडौं । ऊर्जा मन्त्रालयका सहसचिव एवं प्रवक्ता नविनराज सिंह विद्युत् विकास विभागमा तेस्रो पटक महानिर्देशक बनेका छन्। बिहीबार ऊर्जा, जलस्रोत तथा सिँचाइ मन्त्रालयको मन्त्रीस्तरिय निर्णयपछि सहसचिव सिंह महानिर्देशक बनेका हुन्।

यसअघि उनी २०७३ असोज १३ देखि २०७५ पुस १३ सम्म र २०७६ कात्तिक ४ देखि २०७८ साउन १९ सम्म विभागको महानिर्देशक बनेका थिए। २०५२ मा सरकारी सेवा सुरु गरेका सहसचिव सिंहले कोसी प्रदेशको ऊर्जा मन्त्रालयमा सचिवको जिम्मेवारीमा रहेर काम गरिसकेका छन्।

यससँगै विद्युत् विकास विभागमा हालसम्म सबैभन्दा धेरै पटक महानिर्देशक बन्ने व्यक्ति सिंह बनेका छन्। सहसचिव सिंह आफू तेस्रो पटक महानिर्देशक हुँदा विभागको २२औं महानिर्देशक हुन्। उनी बाहेक अन्य महानिर्देशक दुई पटकभन्दा बढी दोहोरिएका छैनन्।

हाल विभागका महानिर्देशक जिवच्छ मण्डल जल तथा ऊर्जा आयोगमा सरुवा भएका छन्। मण्डलले २०८० माघदेखि महानिर्देशकको जिम्मेवारी पाएका थिए। ऊर्जा आयोगमा रहेका चिरञ्जीवी चटौत मन्त्रालयमा नविनराज सिंहको ठाउँमा सरुवा भएका छन्।

प्रकाशित मिति: आइतबार, साउन २०, २०८१ १७:१४

प्रतिक्रिया दिनुहोस्