महालक्ष्मी विकास बैंक–अरेत इन्टरनेसनल सम्झौता, ९.९९ प्रतिशत कर्जामा गाडी खरिद सुविधा

बैंकिङ

गृहपृष्ठ
बैंकिङ

महालक्ष्मी विकास बैंक–अरेत इन्टरनेसनल सम्झौता, ९.९९ प्रतिशत कर्जामा गाडी खरिद सुविधा

क्यापिटल नेपाल सोमबार, साउन २८, २०८१

काठमाडौं । महालक्ष्मी विकास बैंकमार्फत अरेत इन्टरनेसनलले टेस्ला, अडी तथा पोर्श जस्ता लक्जरी गाडी ९.९९ प्रतिशत कर्जामै खरिद सुविधा दिने भएको छ।

बैंक र अरेत इन्टरनेसनलबीच आज भएको सम्झौता अनुसार टेस्ला, अडी तथा पोर्श जस्ता लक्जरी गाडी खरिद गर्न इच्छुक ग्राहकले महालक्ष्मी विकास बैंकमा ९.९९ प्रतिशतमै कर्जा पाउनेछन्।

विद्युतीय गाडीको हकमा अधिकतम ५ वर्ष अवधी रहने गरी भ्याट बिल वा कोटेशन मूल्यको ८० प्रतिशत, जुन कम हुन्छ सो बराबरको कर्जा र विद्युतीय बाहेकको अन्य गाडीमा अधिकतम ८ वर्ष अवधी रहने गरी भ्याट बिल वा कोटेशन मूल्यको ५० प्रतिशत जुन कम हुन्छ सो बराबरको कर्जा बैंकले प्रदान गरिने छ।

कर्जा लिन चाहने ग्राहकले बैंकको आधिकारिक वेबसाइट, सामाजिक सञ्जाल, सम्पूर्ण शाखा कार्यालय तथा पत्रपत्रिकामा रहेको क्युआर कोड स्क्यान गरेर आवेदन दिन सक्नेछन्।

बैंकले देशभर१०३ शाखा कार्यालयमार्फत सेवा प्रदान गर्दै आएको छ।

प्रकाशित मिति: सोमबार, साउन २८, २०८१ १६:४५

प्रतिक्रिया दिनुहोस्