गभर्नर अधिकारी बने सार्फी अध्यक्ष

बैंकिङ

गृहपृष्ठ
बैंकिङ

गभर्नर अधिकारी बने सार्फी अध्यक्ष

क्यापिटल नेपाल बुधबार, भदौ १९, २०८१

काठमाडौं । साउथ एशिया रिजन फाइनान्सियल इन्क्लुजन इनिसियटिभ (सार्फी)को अध्यक्षमा नेपाल राष्ट्र बैंक चयन भएको छ। माल्दिभ्सको केन्द्रीय बैंकले नेपाललाई नेतृत्व हस्तान्तरण गरेको हो।

नेपाल राष्ट्र बैंकका गभर्नर महाप्रसाद अधिकारीले भर्चुअल माध्यमबाट सार्फीको अध्यक्षता ग्रहण गरेका हुन्। मध्य अमेरिकी मुलुक एल्साल्भाडोरको राजधानी सान्साल्भाडोरमा २०२४ सेप्टेम्बर २ देखि जारी एलाइन्स फर फाइनान्सियल इनक्लुजन, ग्लोबल पोलिसी फोरमको पाँचाौं सार्फी लिडर्स राउन्ड टेवल बैठका क्रममा राष्ट्र बैंकलाई अध्यक्षता दिइएको हो।

सोही बैठकले स्टेट बैंक अफ पाकिस्तानलाई सार्फीको उपाध्यक्ष चयन गरेको छ। यसअघि राष्ट्र बैंक सार्फीको उपाध्यक्ष थियो।

सन् २०२२ सेप्टेम्बरमा जोर्डनको डेड सीमा सम्पन्न ग्लोबल पोलिसी फोरमको १२औं बैठकमा सार्फी स्थापना भएको थियो ।

राष्ट्र बैंकसहित बंगलादेश, भुटान, माल्दिभ्स, पाकिस्तान र श्रीलंकाको केन्द्रीय बैंक उक्त सञ्जालमा आबद्ध छन्। क्षेत्री यस्तरमा ज्ञान आदानप्रदान, क्षमता अभिवृद्धि र संयुक्त सिकाइ अभ्यास, प्राविधिक सहायताको कार्यान्वयन, विश्वव्यापी र क्षेत्रीयस्तरका असल अभ्यासको अनुसरण गर्दै सबै वित्तीय समावेशीकरणलाई प्रवर्द्धनलगायत उद्देश्यसहित सार्फी स्थापना भएको हो।

प्रकाशित मिति: बुधबार, भदौ १९, २०८१ १४:०२

प्रतिक्रिया दिनुहोस्