गरिमा विकास बैंकको नायब प्रमुख कार्यकारी अधिकृतमा अनिल रेग्मी नियुक्त

बैंकिङ

गृहपृष्ठ
बैंकिङ

गरिमा विकास बैंकको नायब प्रमुख कार्यकारी अधिकृतमा अनिल रेग्मी नियुक्त

क्यापिटल नेपाल मंगलबार, असोज १, २०८१

काठमाडौं। गरिमा विकास बैंकको सञ्चालक समिति बैठकले बैंकमा सहायक प्रमुख कार्यकारी अधिकृतको रुपमा कार्यरत अनिल रेग्मीलाई नायब प्रमुख कार्यकारी अधिकृतमा बढुवा गरेको छ।

भदौ ३१ को सञ्चालक समिति बैठकले बैंकमा २ वर्षदेखि सहायक प्रमुख कार्यकारी अधिकृतको रुपमा कार्यरत चार्टर्ड एकाउन्टेन्टसमेत रहेका रेग्मीलाई असोज १ देखि लागू हुने गरी नायब प्रमुख कार्यकारी अधिकृतमा नियुक्त गर्ने निर्णय गरको हो।

नवनियुक्त नायब प्रमुख कार्यकारी अधिकृत रेग्मीले गत चैत १५ देखि बैंकको कम्पनी सचिवको जिम्मेवारीसमेत सम्हाल्दै आएका थिए।रेग्मीसँग तत्कालीन जनता बैंक र तत्कालीन सेन्चुरी कमर्सियल बैंकमा ११ वर्षसहित बैंकिङ क्षेत्रको व्यवस्थापन तहम रही करिब १३ वर्ष कार्यानुभव रहेको छ।

बैंकिङ क्षेत्रमा प्रवेश गर्नुपूर्व लेखापरीक्षण तथा कन्सल्टेन्सी पेसामा आबद्ध रेग्मीले राष्ट्रिय तथा अन्तर्राष्ट्रिय संघसंस्थाको लेखापरीक्षण कार्य गरेको अनुभव सँगालेको बैंकले जनाएको छ।

बैंकले हाल १२३ शाखा, १ एक्सटेन्सन काउन्टर र ५१ एटीएममार्फत बैंकिङ सेवा दिँदै आएको छ।

प्रकाशित मिति: मंगलबार, असोज १, २०८१ १०:४९

प्रतिक्रिया दिनुहोस्