महालक्ष्मी विकास बैंक–मनकामना दर्शन सम्झौता, अन्तरदेशीय क्यूआर पेमेन्ट प्रवर्द्धन सहकार्य

बैंकिङ

गृहपृष्ठ
बैंकिङ

महालक्ष्मी विकास बैंक–मनकामना दर्शन सम्झौता, अन्तरदेशीय क्यूआर पेमेन्ट प्रवर्द्धन सहकार्य

क्यापिटल नेपालबिहीबार, असोज ३, २०८१

काठमाडौं । महालक्ष्मी विकास बैंक र मनकामना दर्शन प्रालिबीच नेपाल आएका भारतीय नागरिकलाई क्यूआर मर्चेन्टमार्फत भुक्तानी सेवा उपलब्ध गराउने उद्देश्यले अन्तरदेशीय क्यूआर पेमेन्ट सुविधा प्रवर्द्धन सहकार्य भएको छ।

समझदारीअन्तर्गत फोन पेसँगको सहयोगमा भारतीय नागरिकले भारतीय भुक्तानी सेवा प्रदायक भीमपे, युपिआई, फोनपे, गुगलपे आदि माध्यमबाट बैंकले उपलब्ध गराएको क्यूआर कोडमा स्क्यान गरी मनकामना दर्शनमा लाग्ने शुल्क भुक्तानी गर्न सक्नेछन्।

मनकामना मन्दिर दर्शन भारतीय धार्मिक पर्यटकको पहिलो रोजाइको रुपमा रहेकाले डिजिटल भुक्तानीमा समेत उल्लेख्य रुपमा वृद्धि हुने विश्वास बैंकको छ।

इसबाट नेपाल–भारतबीचको आर्थिक, सामाजिक तथा पारस्परिक सम्बन्धलाई थप उचाइमा पुर्‍याउन, नेपालको आर्थिक तथा पर्यटन विकासमा सहयोग पुर्‍याउन तथा राष्ट्र बैंकको डिजिटल नेपाल अभियानलाई सघाउने बैंकले बताएको छ।

यसअघि बैंकले नेपाल क्लियरिङ हाउस (एनसीएचएल) सँग नेपाल र भारतबीच अन्तरदेशीय कारोबार भुक्तानी सहजीकरणका लागि सम्झौता गरेको थियो।

प्रकाशित मिति: बिहीबार, असोज ३, २०८१ १३:५४

प्रतिक्रिया दिनुहोस्