बुटवलमा एमएडब्लु वृद्धिको ‘एक्सचेन्ज क्याम्प’ हुँदै, प्रि–बजेट मूल्यमा डिपल र सेरेस

अटो

गृहपृष्ठ
अटो

बुटवलमा एमएडब्लु वृद्धिको ‘एक्सचेन्ज क्याम्प’ हुँदै, प्रि–बजेट मूल्यमा डिपल र सेरेस

क्यापिटल नेपाल शनिबार, कात्तिक २४, २०८१

काठमाडौं। नेपालका लागि डिपल, सेरेस र नामी ईभी ब्रान्डको आधिकारिक वितरक एमएडब्लु वृद्धिले भैरहवा र बुटवललाई लक्षित गरेर यो क्षेत्रकै सबैभन्दा ठूलो ‘एक्सचेन्ज तथा टेस्ट ड्राइभ क्याम्प’ गर्ने भएको छ।

एमएडब्लु वृद्धिले बुटवलको कालिकानगरस्थित क्लब डेनोभोमा आउँदो २७ कात्तिकदेखि तीनदिने ‘एक्सचेन्ड एन्ड टेस्ट ड्राइभ क्याम्प’ आयोजना गर्न लागेको हो।

मेलामा ईभी किन्न चाहने लुम्बिनी प्रदेशका ग्राहकले डिपल प्रि–बजेट प्राइस अर्थात् ७१ लाख ९९ हजारमा, सेरेसमा नाडा अफर अर्थात् ४५ लाख ४९ हजार र नामी ईभी किन्दा ७ किलोवाटको चार्जर फ्री पाउन सकिनेछ।

टप ३ रिकन्डिसन हाउसबाट ‘एक्सचेन्ज भ्यालु’ र एमएडब्लु वृद्धिबाट बेजोड ‘एक्सचेन्ज बोनस’को फाइदा उठाउँदै नयाँ पुस्ताको इलेक्ट्रिक खरिद गर्न सकिने दाबी कम्पनीको छ।

यसका अलावा ग्राहकले हरेक टेस्ट ड्राइभ र आफ्ना पुरानो गाडीको मूल्यांकनमा आकर्षक उपहार पाउनेछन्। ‘अनस्पट फाइनान्सिङ’ र ‘अनस्पट डेलिभरी’को व्यवस्था पनि हुनेछ। डिपल, सेरेस र नामीलाई ८.४९ प्रतिशतको निश्चित ब्याजदरमा खरिद गर्न सकिने कम्पनीले जनाएको छ।

यी अफरबाहेक एक्सचेन्ज क्याम्पमा आएर फ्युचरिस्टिक डिजाइन र फिचरले भरिएका डिपल, नामी र सेरेसको टेस्ट ड्राइभ गर्नेले ‘फुडस्टल’ र ‘लाइभ म्युजिक’को मजा लिन सक्नेछन्। एमएडब्लु वृद्धिले एक्सचेन्ज एन्ड टेस्ट ड्राइभ क्याम्पअघि डिपल र नामीको क्षेत्रीय डिलर लन्च गर्ने योजना बनाएको छ।

प्रकाशित मिति: शनिबार, कात्तिक २४, २०८१ १०:४८

प्रतिक्रिया दिनुहोस्