प्राधिकरण सञ्चालक समितिको बैठक सुरु, कहिले जोडिएला बिजुली?

उद्योग

गृहपृष्ठ
उद्योग

प्राधिकरण सञ्चालक समितिको बैठक सुरु, कहिले जोडिएला बिजुली?

क्यापिटल नेपाल सोमबार, कात्तिक २६, २०८१

काठमाडौं। काटिएको उद्योगमा लाइन जोड्ने प्रमुख एजेण्डासहित नेपाल विद्युत प्राधिकरण सञ्चालक समितिको बैैठक सुरु भएको छ। आइतबार बसेको मन्त्रिपरिषदको बैठकले लाल आयोगको प्रतिवेदन कार्यन्वयन गर्ने, टिओडी मिटरको आधारमा १५ दिन भित्रमा उद्योगीहरुबाट रकम असुल्ने र उद्योगमा लाइन जोड्ने निर्णय गरेसँगै कार्यान्वयनका लागि प्राधिकरण सञ्चालक समितिको बैठक सुरु भएको हो।

उर्जा, जलश्रोत तथा सिंचाई मन्त्री एवं प्राधिकरण सञ्चालक समितिका अध्यक्ष दीपक खड्का, कार्यकारी निर्देशक कुलमान घिसिङ सहित सम्पुर्ण सञ्चालक समितिका सदस्यहरु सम्मिलित बैंठक सुरु भएको मन्त्रालय श्रोतको भनाइ छ। बैठकको प्रमुख एजेण्डानै उद्योगमा लाइन जोड्ने र टिओडी मिटरको आधारमा उद्योगीहरुबाट पैसा उठाउने रहेको जनाएको छ।

प्राधिकरणले कात्तिक ८ गते विभिन्न उद्योगमा फर्जि बिलको आधारमा बक्यौता रकम नदिएको भन्दै लाइन काटेको थियो। उद्योगीहरुले भने विजुली प्रयोगको गरेको प्रमाण विना रकम तिर्न नसक्ने भन्दै सरकारले नै बनाएको सर्वोच्च अदालतका पूर्व न्यायाधिश गिरिसचन्द्र लालको संयोकत्वको लाल आयोगको प्रतिवेदन सार्वजनिक गर्न माग गरिरहेका थिए।

लाल आयोगमा उल्लेख भएका विषय अनुसार नै आफुहरु रकम तिर्न तयार रहेको उल्लेख गरिरहेको बेला आइतबार बसेको मन्त्रिपरिषदको बैंठकले प्रतिवेदन कार्यान्वयन गर्ने निर्णय गरेको हो।

योसँगै अव प्राधिकरणका कार्यकारी निर्देशक घिसिङ माथि टिओडी मिटरको प्रमाण उद्योगीहरुलाई दिनुपर्ने बाध्यकारी भएको छ। यस अघि कार्यकारी निर्देशक घिसिङले उद्योगीहरुलाई टिओडी मिटरको प्रमाण नदिने बताउदै आएका थिए भने अदालतमा मिटर मेटिएको जवाफ दिएका थिए।

प्रकाशित मिति: सोमबार, कात्तिक २६, २०८१ १७:२३

प्रतिक्रिया दिनुहोस्