क्रेस्ट माइक्रो लाइफको आईपिओ खुल्यो

सेयर

गृहपृष्ठ
सेयर

क्रेस्ट माइक्रो लाइफको आईपिओ खुल्यो

क्यापिटल नेपाल मंगलबार, माघ १५, २०८१

काठमाडौं। क्रेष्ट माइक्रो लाइफ इन्स्योरेन्सको प्राथमिक निष्कासन (आईपिओ)मा आजदेखि आवेदन खुलेको छ। कम्पनी वैदेशिक रोजगारीमा रहेका नेपालीका लागि मंगलबारबाट आईपीओ निष्कासन गरेको हो।

कम्पनीले आफ्नो जारी पुँजी ७५ करोड रुपैयाँको ३० प्रतिशतले हुन आउने २२ करोड ५० लाख रुपैयाँ बराबरको २२ लाख ५० हजार कित्ता सेयर आईपिओ निष्कासन अनुमति पाएको थियो।

सोमध्ये १० प्रतिशतले हुन आउने २ करोड २५ लाख रुपैयाँ बराबरको २ लाख २५ हजार कित्ता सेयर सरकारको सम्बन्धित निकायको श्रम स्वीकृती लिई वैदेशिक रोजगारीमा रहेका नेपालीले मंगलबारबाट आवेदन दिन पाउनेछन्।

न्यूनतम १० कित्ता सेयरका लागि आवेदन दिनुपर्ने कम्पनीको आईपिओमा अधिकतम १० हजार कित्तासम्म आवेदन दिन सकिनेछ। माघ २९ गतेसम्म कम्पनीको आईपीओमा आवेदन दिन सकिनेछ।

रेटिङ एजेन्सी इक्रा नेपालले कम्पनीको आईपीओलाई ‘इक्राएनपी इस्युआर डबल बी रेटिङ’ दिएको छ। यसले कम्पनीको दायित्व बहन गर्ने क्षमतामा मध्यमस्तरको जोखिम रहेको जनाउँछ। कम्पनीको आईपीओ निष्कासन बिक्री प्रबन्धक एनआइएमबी एस क्यापिटल रहेको छ।

प्रकाशित मिति: मंगलबार, माघ १५, २०८१ १०:३४

प्रतिक्रिया दिनुहोस्