व्यवस्थापनको लापरबाहीले नेपाल एयरलाइन्सको दुईवटै न्यारोबडी जहाजको उडान ठप्प

अटो

गृहपृष्ठ
अटो

व्यवस्थापनको लापरबाहीले नेपाल एयरलाइन्सको दुईवटै न्यारोबडी जहाजको उडान ठप्प

क्यापिटल नेपाल आइतबार, फागुन ११, २०८१

काठमाडौं। नेपाल एयरलाइन्स व्यवस्थापनको चरम लापरबाहीको कारण एकसाथ दुईवटै न्यारोबडी जहाजको उडान ठप्प भएको छ। नेपाल एयरलाइन्ससँग रहेको एउटा न्यारोबडी जहाज कलसाइन नाइन एन एकेएक्स साउदी अरेबियाको दमाम र कलसाइन नाइन एन एकेडब्लू चीनमा रोकिदा यात्रुहरु अलपत्र परेका छन्।

निगम उच्च स्रोतका अनुसार शनिबार दमाम पुगेको जहाज त्यहि ग्राउन्डेड भएको छ भने अर्को जहाज केहि दिनदेखि चीनमै रोकिएको छ। चीनमा मर्मतका लागि पठाएको जहाजको भुक्तानी समयमै हुन नसक्दा जहाज ल्याउन नपाएको स्रोतले जनाएको छ। यसैगरी दमाममा ग्राउन्डेड भएको जहाजको नोज गियरमा समस्या आएको बुझिएको छ।

चीनमा रहेको जहाजको मर्मत सम्पन्न भइसक्दा समेत भुक्तानीमा ढिलाई हुँदा रोकिएको बताइएको छ। नेपाल एयरलाइन्सका व्यवस्थापकहरुले यसलाई पुष्टी भने गरेका छैनन्। एयरलाइन्सका प्रवक्ता रमेश पौडेलसँग सम्पर्क गर्दा उनको फोन उठेको छैन।

स्रोतको दाबी अनुसार नेपाल एयरलाइन्सले समयमै दुई जहाजको मर्मत सम्भार नगरेकै कारण एकसाथ ग्राउन्डेड भएको हो। चीनमा जनवरी २ मा सीचेकका लागि पठाएको थियो। केहि पाइलटहरु तीन दिन अघिनै जहाज लिन गएपनि आइतबारसम्म उड्न सकेको छैन। चीनमा रोकिएको जहाज कहिलेबाट उड्छ भन्ने यकिन छैन। सोहीकारण एयरलाइन्सको छोटो दुरीमा हुने उडानहरु सबै प्रभावित भएको छ।

प्रकाशित मिति: आइतबार, फागुन ११, २०८१ १३:३९

प्रतिक्रिया दिनुहोस्