यामाहा नेपाल र हेल्मेट्स नेपालबीच सम्झौता, ग्राहकले के-के पाउँछन् सुविधा?

अटो

गृहपृष्ठ
अटो

यामाहा नेपाल र हेल्मेट्स नेपालबीच सम्झौता, ग्राहकले के-के पाउँछन् सुविधा?

क्यापिटल नेपाल आइतबार, फागुन ११, २०८१

काठमाडौं। विगत ९ वर्षदेखि हेलमेटको मार्केटमा आफ्नो छुट्टै पहिचान बनाइरहेको 'हेल्मेट्स नेपाल'ले यामाहा नेपालसँग व्यापारिक सहकार्य गर्ने सम्झौता गरेको छ। काठमाडौंमा आयोजित एक कार्यक्रममा दुई संस्थाबीच सम्झौता भएको हो।

सम्झौताअनुसार यामाहा मोटरसाइकलको शोरुममा हेल्मेट्स नेपालको पनि आउट्लेट रहने भएको छ। जहाँ हेल्मेट, सेफ्टी गियर र एसेसोरिज उपलब्ध रहने छन्। पहिलो चरणमा काठमाडौंका शोरुमहरु टेकु, महाराजगंज र गठ्ठाघर भक्तपुरमा हेल्मेट्स नेपालको आउटलेट रहने छन्।

नक्सालस्थित यामाहाको ब्लु स्क्वायर शोरुममा भने एक्सचेन्जको सुविधा उपलब्ध रहने छ। आगामी दिनमा यो सुविधालाई थप विस्तार गर्ने हेल्मेट्स नेपालका प्रबन्ध निर्देशक सजल जोशीले बताए।

यामाहा नेपाल र हेल्मेट्स नेपालको यो सहकार्यले नेपालमा रोड सेफ्टी र राइडिङ्ग कल्चर अझै परिस्कृत रुपमा परिभाषित हुने विश्वास लिइएको छ। ग्राहकले एउटै छानामुनी मोटरसाइकल, हेल्मेट, सेफ्टी गियर र राइडिङ्ग एसिसोरिजको सुविधा प्राप्त गर्न सक्ने छन्।

यसअघि आफ्नो २ अत्याधुनिक शोरुममार्फत सेवा प्रदान गर्दै आएको हेल्मेटस नेपालले अब कुल ६ स्थानबाट सेवा प्रदान गर्ने छ।

प्रकाशित मिति: आइतबार, फागुन ११, २०८१ १७:१६

प्रतिक्रिया दिनुहोस्