नयाँ वर्ष अवसरमा साइमेक्स इंकले ल्यायो ०–५–१० अभियान, यस्ता छन् अफर

अटो

गृहपृष्ठ
अटो

नयाँ वर्ष अवसरमा साइमेक्स इंकले ल्यायो ०–५–१० अभियान, यस्ता छन् अफर

क्यापिटल नेपालबुधबार, वैशाख १०, २०८२

काठमाडौं। नयाँ वर्ष २०८२ को अवसरमा बीवाईडी अटो इन्डष्ट्रीको नेपालका लागि आधिकारिक वितरक साइमेक्स इंक प्रालिले विशेष ग्राहक केन्द्रित अभियान ०–५–१० को घोषणा गरेको छ।

सीमित समयका लागि प्रदान गरिने नयाँ वर्ष अफरअन्तर्गत बीवाईडी गाडी बुक गर्ने ग्राहकहरुले विशेष सुविधा पाउने कम्पनीले बताएकाे छ।

जसमा ५ वर्ष सम्म शुन्य सर्भिसिङ मूल्य र १० वर्ष वा २ लाख किलोमिटरको एक्सटेन्डेड वारेन्टी छ। उक्त अफर आगामी वैशाख ३१ गतेसम्म गाडी बुकिङ गर्ने ग्राहकका लागि देशभर उपलब्ध हुने कम्पनीले जनाएकाे छ।

सो अभियान घोषणाबारे बोल्दै साइमेक्स इंक प्रालिका नेसनल सेल्स हेड आशुतोष गौतमले ०–५–१० अभियान एउटा अफर मात्र नभएर सफा, दिगो इलेक्ट्रिक मोबिलिटीतर्फ नेपालको संक्रमणका लागि दीर्घकालीन प्रतिबद्धताको प्रतिविम्ब पनि भएकाे बताए।

उनले भने,‘नयाँ वर्षमा पदार्पण गर्दै गर्दा हामीले हाम्रा ग्राहकका साथ कार मात्र नभई एक दशक सम्मको एस्योरेन्सर र केयर समेतको उत्सव मनाउन चाहन्छौ। ०–५–१० अभियान एउटा अफर मात्र होइन, यो सफा, दिगो इलेक्ट्रिक मोबिलिटीतर्फ नेपालको संक्रमणका लागि हाम्रो दीर्घकालीन प्रतिबद्धताको प्रतिविम्ब पनि हो । हामीप्रति ग्राहकले गर्नुभएको लगातारको विश्वासका लागि हामी उहाँहरुलाई धन्यवाद दिन चाहन्छौ र हरित भविष्यका लागि साथै अगाडि बढ्ने आशा गर्दछौ।’

साे अफरबारे जानकारी लिनका लागि ग्राहकले कुनै पनि आधिकारिक बीवाईडी शोरुम वा देशभर चलिरहेका डिस्प्ले इभेन्टको भ्रमण गर्नुपर्ने कम्पनीले बताएकाे छ।

प्रकाशित मिति: बुधबार, वैशाख १०, २०८२ १३:१३

प्रतिक्रिया दिनुहोस्