नेपाल विद्युतीय व्यवसायी महासंघको १५औं वार्षिक साधरणसभा सम्पन्न

उद्योग

गृहपृष्ठ
उद्योग

नेपाल विद्युतीय व्यवसायी महासंघको १५औं वार्षिक साधरणसभा सम्पन्न

क्यापिटल नेपाल सोमबार, वैशाख २९, २०८२

काठमाडौं। नेपाल विद्युतिय व्यवसायी महासंघको १५औं वार्षिक साधारणसभा पोखरामा सम्पन्न भएको छ। वैशाख २७ गते गण्डकी प्रदेशका मुख्यमन्त्री सुरेन्द्रराज पाण्डेको प्रमुख आतिथ्यतामा उक्त सभा पोखरामा सम्पन्न भएको हो।

कार्यक्रममा मुख्यमन्त्री पाण्डेले प्रदेश सरकार व्यवसायीहरुसँग सहकार्य गर्दै विद्युतिय पूर्वाधार र उर्जा व्यवसायको विकासमा जोड दिने प्रतिबद्धता व्यक्त गरे। उनले विद्युतीय क्षेत्रमा स्वदेशी उत्पादन र स्वावलम्बनको आवश्यकता औंल्याउँदै निजी क्षेत्रलाई नीतिगत सहयोग प्रदान गरिने उल्लेख गरे।

यसैगरी विशेष अतिथि संविधानसभा अध्यक्ष तथा सारदा ग्रुपका अध्यक्ष पवनकुमार सारदाले वर्तमान बदलिँदो प्रविधि र उर्जाको खपतलाई ध्यानमा राख्दै व्यवसायीहरुले दीर्घकालीन सोचका साथ अघि बढ्नुपर्ने धारणा राखे। उनले व्यवसायीहरुले नै मुलुकको आर्थिक विकासमा महत्वपूर्ण योगदान पुर्‍याइरहेको उल्लेख गर्दै महासंघलाई अझ प्रभावकारी रुपमा अघि बढ्न शुभकामना दिए।

कार्यक्रममा महासंघका अध्यक्ष रेशमलाल देवकोटाले महासंघको १५ वर्षे यात्रामा भोगिएका चुनौती, उपलब्धि र आगामी योजनाहरुको बारेमा प्रस्तुत गर्दै सबैको सहकार्यमा महासंघ अझ सशक्त रुपमा अघि बढ्ने विश्वास व्यक्त गरे।

प्रकाशित मिति: सोमबार, वैशाख २९, २०८२ २१:४२

प्रतिक्रिया दिनुहोस्