सिटिजन्स बैंकद्वारा दृष्टि फाउन्डेसन नेपाललाई खाद्यान्न सहयोग

कर्पोरेट बजार

गृहपृष्ठ
कर्पोरेट बजार

सिटिजन्स बैंकद्वारा दृष्टि फाउन्डेसन नेपाललाई खाद्यान्न सहयोग

क्यापिटल नेपालबिहीबार, जेठ ८, २०८२

काठमाडौं। सिटिजन्स बैंक इन्टरनेसनलले मानसिक स्वास्थ्य समस्याबाट पीडित, परिवारविहीन महिला र तिनका बालबालिकाका लागि काम गर्दै आएको धनगढीमा अवस्थित दृष्टि फाउन्डेसन नेपाललाई सहयोग उपलब्ध गराएको छ।

बैंकले संस्थागत सामाजिक उत्तरदायित्वअन्तर्गत बैंकले विभिन्न दाताबाट प्राप्त सहयोगबाट सञ्चालन भइरहेको र करिब ६५ जना महिला र तिनका बालबालिकालाई सहयोग गरिरहेकोे संस्थालाई करिब २ महिनासम्म पुग्ने गरी सरसफाइ तथा उपभोग्य सामग्री उपलब्ध गराएको हो।

बैंकका प्रमुख कार्यकारी अधिकृत गणेशराज पोखरेलले सहयोगस्वरुप उक्त सामग्री हस्तान्तरण गरे। उनले बैंकको सहयोगबाट संस्थामा आश्रितलाई सहज हुने विश्वास व्यक्त गरे।

बैंकले संस्थागत सामाजिक उत्तरदायित्व कार्यक्रमअन्तर्गत सामाजिक, आर्थिक, सांस्कृतिक, शैक्षिकलगायत क्षेत्रमा विभिन्न कार्यक्रम सञ्चालन गरिँदै आएको जनाएको छ।

बैंकले हाल २ सय शाखा, १६८ एटीएम, ३ विस्तारित काउन्टर र ७४ शाखारहित इकाइबाट बैंकिङ सेवा दिँदै आएको छ।

प्रकाशित मिति: बिहीबार, जेठ ८, २०८२ ०७:३६

प्रतिक्रिया दिनुहोस्