एनआरएन इन्फ्रास्ट्रक्चर एण्ड डेभलपमेन्टको नाफा १० गुणासम्म बढ्यो

उद्योग

गृहपृष्ठ
उद्योग

एनआरएन इन्फ्रास्ट्रक्चर एण्ड डेभलपमेन्टको नाफा १० गुणासम्म बढ्यो

क्यापिटल नेपालबिहीबार, साउन २९, २०८२

काठमाडौं। एनआरएन इन्फ्रास्ट्रक्चर एण्ड डेभलपमेन्टले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। जसअनुसार कम्पनीको खुद नाफा अघिल्लो आर्थिक वर्षको सोही अवधिको तुलनामा १० गुणा वृद्धि भएको छ।

गत आर्थिक वर्षको अन्त्यसम्म कम्पनीले ६७ करोडभन्दा बढी खुद नाफा कमाएको छ। यो अघिल्लो आर्थिक वर्षको सोही अवधिको तुलनामा १० गुणा बढी हो। अघिल्लो आर्थिक वर्षको सोही अवधिमा कम्पनीले ६ करोड ७८ लाख मात्रै खुद नाफा कमाएको थियो।

कम्पनीको वित्तीय आम्दानी, लाभांश आम्दानी घट्दा पनि लगानी बिक्रीबाट खुद नाफा उल्लेख्य मात्रामा बढेको हो। समीक्षा अवधिमा कम्पनीको लाभांश आम्दानी ४३.४८ प्रतिशत घटेको छ। यस्तै, वित्तीय आम्दानी १८.६५ प्रतिशत घटेको छ।

सो अवधिमा कम्पनीले लगानी बिक्रीबाट ९० करोड १० लाख रुपैयाँ नाफा कमाएको छ। जसबाट कम्पनीको कुल आम्दानी ९०० प्रतिशत बढेको छ। कम्पनीको कुल खर्च एक करोड १२ लाख रुपैयाँबाट बढेर ११ करोड ३८ लाख रुपैयाँ पुगेको छ।

नाफासँगै कम्पनीको प्रतिसेयर आम्दानीसमेत भारी मात्रामा बढेको छ। समीक्षा अवधिमा कम्पनीको यस्तो आम्दानी ४६ रुपैयाँ ६९ पैसा बढेर ५२ रुपैयाँ २३ पैसा पुगेको छ।

असार मसान्तसम्म कम्पनीको प्रतिसेयर नेटवर्थ २५० रुपैयाँ १५ पैसा रहेको छ भने मूल्य आम्दानी अनुपात ४३.६४ गुणा रहेको छ। एक अर्ब २८ करोड रुपैयाँ चुक्ता पूँजी रहेको कम्पनीको रिटेन्ड अर्निङ्ग ७२ करोड २० लाख रुपैयाँ रहेको छ।

प्रकाशित मिति: बिहीबार, साउन २९, २०८२ १३:०८

प्रतिक्रिया दिनुहोस्