केपी ओलीले भने– म बिग्रिएको छैन, किन सप्रिनू?

राजनीति

गृहपृष्ठ
राजनीति

केपी ओलीले भने– म बिग्रिएको छैन, किन सप्रिनू?

क्यापिटल नेपाल बुधबार, असोज २९, २०८२

काठमाडौं। नेकपा एमालेका अध्यक्ष केपी शर्मा ओलीले आफू कहिल्यै पनि नबिग्रिएकाले सप्रिने कुरै नभएकाे बताएका छन्। ललितपुरको भनिमण्डलस्थित रामबाग महलमा बुधबारबाट सुरु भएको केन्द्रीय कमिटी बैठकलाई सम्बोधन गर्दै उनले यस्ताे धारणा व्यक्त गरेका हुन्।

उनले भने, ‘ओली अझै सप्रिएन भन्छन्। केपी ओली बिग्रिएको भए पो सप्रिनू। पार्टीभित्र कुरा नगर्ने, बाहिर विरोधीका लहैलहैमा लागेर अनेक खालका हल्ला गर्नेहरू नै सप्रिनु पर्छ।’

त्यस्तै, फेसबुकमा कसैले भन्दैमा अध्यक्ष पद नछाड्ने बताउँदै उनले केन्द्रीय कमिटीले भने एक मिनेट पनि अध्यक्ष पदमा नबस्ने जिकिर गरे।

उनले भने, ‘मैले हट्नु पर्छ कि पर्दैन भन्ने फेसबुकले भन्ने होइन, यो कमिटीले भनेको बेलामा यो आदेश दिने ठाउँ हो, यसको आदेशमा दिए एक मिनेट पनि बस्दिनँ, यो कमिटी भन्दा बाहिर गएर लोकप्रियतावादको पछि कुदेर यो कमिटीको कोही सदस्य भन्दैमा हुँदैन।’

प्रकाशित मिति: बुधबार, असोज २९, २०८२ १३:२७

प्रतिक्रिया दिनुहोस्