डीडीसी र निजी डेरीले किसानलाई भुक्तानी गरे ४ अर्ब बक्यौता

उद्योग

गृहपृष्ठ
उद्योग

डीडीसी र निजी डेरीले किसानलाई भुक्तानी गरे ४ अर्ब बक्यौता

क्यापिटल नेपाल मंगलबार, मंसिर २३, २०८२

काठमाडौं। दूध बेचेको पैसा नपाएपछि आन्दोलन र भुक्तानीसम्म रोक्न थालेका दुग्ध किसानलाई सरकारी स्वामित्वको दुग्ध विकास संस्थान (डीडीसी) र निजी डेरीले करिब ४ अर्ब रुपैयाँ बक्यौता भुक्तानी गरेका छन्।

बक्यौतामध्ये निजीले अब एक महिनाको मात्रै बाँकी राखेका छन् भने डीडीसीले साउनसम्मको बक्यौता भुक्तानी गरिएको जानकारी दिएको हो।

डीडीसले अब किसानलाई डेढ अर्ब भुक्तानी गर्न बाँकी रहेको र १ अर्ब भुक्तानी गरिसकेको सूचना अधिकारी नीलकण्ठ गौतमले बताए। निजी डेरीले करिब ३ अर्ब भुक्तानी गरेका छन्। डीडीसीले तीन महिनाको ४५ करोड भुक्तानी गर्न बाँकी रहेको छ।

डीडीसीले हाल दैनिक एक लाख लिटर दूध संकलन गर्दै आएको छ भने दैनिक बजारमा ८० हजार लिटर दूध बिक्री हुने र बाँकी २० हजार लिटर दुधको पाउडर बनाएर राख्ने गरेको छ।

प्रकाशित मिति: मंगलबार, मंसिर २३, २०८२ ०९:१८

प्रतिक्रिया दिनुहोस्