डाभोस आर्थिक मञ्चमा जान लागेका ट्रम्पको विमानमा प्राविधिक गडबडी, उडेलगत्तै अवतरण गराइयो

अन्तर्राष्ट्रिय

गृहपृष्ठ
अन्तर्राष्ट्रिय

डाभोस आर्थिक मञ्चमा जान लागेका ट्रम्पको विमानमा प्राविधिक गडबडी, उडेलगत्तै अवतरण गराइयो

क्यापिटल नेपाल बुधबार, माघ ७, २०८२

तस्बिर, सीएनएन

काठमाडौं। विश्व आर्थिक मञ्चमा सहभागिता जनाउन स्वीट्जरल्यान्ड जाँदै गरेका अमेरिकी राष्ट्रपति डोनाल्ड ट्रम्पको विमान प्राविधिक गडबडीका कारण हवाई अड्डामा फर्काइएको छ।

स्वीट्जरल्यान्डको डाभोस जाने क्रममा विमानमा उडेलगत्तै प्राविधिक समस्या देखिएपछि अवतरण गराइएको अन्तर्राष्ट्रिय सञ्चार माध्यमले जनाएका छन्।

ह्वाइट हाउसले ट्रम्पको विमान स्वीट्जरल्यान्डका लागि उडान भरेको केही समयपछि हवाई अड्डामा फर्किएको बताएको छ।

ट्रम्प र उनको टोली अब अर्को विमानमा चढेर डाभोसमा हुने विश्व आर्थिक मञ्चको यात्रा जारी राख्ने बताइएको छ। ह्वाइट हाउसले सानो विद्युतीय समस्याले एअर फोर्स वानलाई वासिंगटन फर्कन बाध्य पारेको पुष्टि गरेको अन्तर्राष्ट्रिय सञ्चार माध्यमले उल्लेख गरेका छन्।

प्रकाशित मिति: बुधबार, माघ ७, २०८२ ११:४६

प्रतिक्रिया दिनुहोस्