गैरकानूनी माध्यमबाट आर्जन गरेको सम्पत्तिबारे सूचना दिन आयोगको आग्रह

अर्थतन्त्र

गृहपृष्ठ
अर्थतन्त्र

गैरकानूनी माध्यमबाट आर्जन गरेको सम्पत्तिबारे सूचना दिन आयोगको आग्रह

क्यापिटल नेपाल बिहीबार, वैशाख ३१, २०८३

काठमाडौं। सम्पत्ति छानबिन आयोगले सार्वजनिक पदाधिकारीहरूले भ्रष्टाचार वा अन्य गैरकानूनी माध्यमबाट आर्जन गरेको सम्पत्तिबारे सूचना वा उजुरी दिन सर्वसाधारणलाई आग्रह गरेको छ। आयोगले अस्वाभाविक रूपमा कमाइएका सम्पत्ति आफू, परिवार, आफन्त वा अन्य व्यक्तिको नाममा लुकाइएको हुन सक्ने भन्दै नेपाल तथा विदेशमा रहेका त्यस्ता सम्पत्तिबारे जानकारी, प्रमाण वा सूचना उपलब्ध गराउन अनुरोध गरेको हो।

उजुरी कार्यालयमा उपस्थित भएर, हुलाक वा इमेलमार्फत दिन सकिनेछ। उजुरीकर्ताले आफ्नो नाम, ठेगाना र सम्पर्क नम्बर खुलाउनुपर्ने भए पनि ती विवरण गोप्य राखिने आयोगले जनाएको छ।

आयोगले दायरामा परेका सार्वजनिक पदाधिकारीहरूलाई एक महिनाभित्र सम्पत्ति विवरण बुझाउन पनि निर्देशन दिएको छ। प्रधानमन्त्रीदेखि पूर्व कार्यालय प्रमुख स्तरका उपसचिव, संघीय सांसद तथा स्थानीय तहका उपप्रमुखसम्मले सम्पत्ति विवरण पेश गर्नुपर्ने व्यवस्था गरिएको छ।