जेनजी प्रदर्शनमा बैंकबाट लुटिएको १८ केजी सुनको क्षतिपूर्ति माग्दै विराेधमा उत्रिए ग्राहक, वाणिज्य बैंक घेराउ

बैंकिङ

गृहपृष्ठ
बैंकिङ

जेनजी प्रदर्शनमा बैंकबाट लुटिएको १८ केजी सुनको क्षतिपूर्ति माग्दै विराेधमा उत्रिए ग्राहक, वाणिज्य बैंक घेराउ

क्यापिटल नेपाल सोमबार, असार ८, २०८३

काठमाडौं। भदौ २३ र २४ को जेनजी आन्दोलनको हटस्पट बनेको नयाँ बानेश्वरस्थित राष्ट्रिय वाणिज्य बैंकको शाखाबाट सुन धितो राखेर कर्जा लिएका ग्राहकले वाणिज्य बैंकको केन्द्रीय कार्यालयमा रामशाहपथमा प्रदर्शन गरेका छन्।

जेनजी आन्दोलनका क्रममा १८ किलो सुन चोरी भएपछि अहिलेसम्म बैंकले कुनै राहत नदिएको भन्दै उनीहरूले सिंहदरबार प्लाजामा रहेको राष्ट्रिय वाणिज्य बैंकको केन्द्रीय कार्यालयमा प्रदर्शन गरेका हुन्।

जेनजी आन्दोलनका क्रममा नयाँ बानेश्वरस्थित राष्ट्रिय वाणिज्य बैंकको शाखाबाट करिब १८ किलो सुन र सवा ५ करोड नगद लुटिएको थियो। ऋणको धितोका रूपमा राखिएको उक्त सुन हराएपछि क्षतिपूर्ति वा राहत दिनको साटो बैंक व्यवस्थापन पन्छिन खोजेको भन्दै आन्दोलन गर्नुपरेको सुन धितोकर्ता सरस्वती बस्नेतले बताइन्।

सुन धितो राखेर कर्जा लिएकाले कुल तौल बराबरको सुन फिर्ता गर्न मागेका छन्। ग्राहकले अहिलेको मोलमा सुनको मूल्य दिनुपर्ने मागसमेत अगाडि सारेका छन्। बैंकले भने भदौकै सुन रेटमा रकम दिने बताउँदै आएको छ।

प्रकाशित मिति: सोमबार, असार ८, २०८३ १५:०६

प्रतिक्रिया दिनुहोस्