होर्मुज जलमार्ग बन्द हुँदा एक हजार बढी मालवाहक जहाज अलपत्र

अन्तर्राष्ट्रिय

गृहपृष्ठ
अन्तर्राष्ट्रिय

होर्मुज जलमार्ग बन्द हुँदा एक हजार बढी मालवाहक जहाज अलपत्र

क्यापिटल नेपाल बुधबार, असार १०, २०८३

काठमाडौं। स्ट्रेट अफ होर्मुज जलमार्ग बन्द हुँदा एक हजार २०० भन्दा बढी मालवाहक जहाजहरू १२५ अर्ब अमेरिकी डलरको सामानसहित यस क्षेत्रमा फसेको बेलायती फाइनान्सियल टाइम्स (एफटी)ले बुधबार बीमा कम्पनी एलियान्जको पछिल्लो प्रतिवेदनलाई उदृत गर्दै रिपोर्ट गरेको छ।

एलियान्जका समुद्री प्रमुख जस्टस हेनरिकले बेलायती दैनिक फाइनान्सियल टाइम्सलाई महत्वपुर्ण जमार्गको बन्दले बिमा कम्पनीहरूका लागि जाँच केन्द्रहरूमा जोखिम वहनको ढाँचा परिवर्तन गरेकोसमेत जनाइएको छ।

अमेरिका र इरानबीच सम्झौता घोषणा भएर स्ट्रेट अफ होर्मुज खोल्ने निर्णयपछि ढुवानी यातायात विस्तारै सहज भएको जनाइएको छ। आधिकारिक तथ्यांकले यसअघिको हप्तामा ६९ वटा जहाजहरू खाडीबाट बाहिर निस्किएको देखाएको छ।

जुन एक हप्ताअघि मात्र २४ वटा थिए भने फेब्रुअरीमा द्वन्द्व भड्किएपछिको सबैभन्दा बढी साप्ताहिक ढुवानीको मात्रा यही भएको जनाइएको छ।

द्वन्द्वका कारण गम्भीर हताहतका कारण मानविय क्षती र आर्थिक नोक्सान हुनुका साथै लामो समयसम्म समुन्द्र क्षेत्रमा रहनु परेकाले चालक दलका सदस्यहरुमा संकट ल्याएको जनाइएको छ।

अन्तर्राष्ट्रिय सामुद्रिक संगठनका अनुसार द्वन्द्वका कारण १४ जना डुंगा चालकहरुको मृत्यु भएको छ। ४० भन्दा बढी जहाजहरूमा क्षेप्यास्त्र आक्रमण भएको छ।

प्रकाशित मिति: बुधबार, असार १०, २०८३ १५:१४

प्रतिक्रिया दिनुहोस्