काठमाडौं। प्रधानमन्त्री बालेन्द्र शाहले उद्यमी, व्यवसायी भेटलाई निरन्तरता दिने क्रममा पुँजी बजार, धितोपत्र व्यवसाय तथा बिमा व्यवसायीसँग छलफल गर्दै छन्।
प्रधानमन्त्री तथा मन्त्रिपरिषद् कार्यालय सिंहदरबारमा हुने उक्त छलफलमा नेपाल धितोपत्र बोर्ड (सेबोन) का अध्यक्ष गोपाल भट्ट, नेपाल स्टक एक्स्चेन्ज (नेप्से) का अध्यक्ष अमृत लम्साल, स्टक ब्रोकर एसोसिएसन अफ नेपालका अध्यक्ष सागर ढकाल, नासा सेक्युरिटिजका सन्दीप जलान, नेप्सेका पूर्वप्रमुख कार्यकारी अधिकृत सीताराम थपलिया, नेपाल लाइफ इन्स्योरेन्सका प्रमुख नवराज सिलवाल र नागरिक स्टक डिलर कम्पनीका प्रमुख कार्यकारी अधिकृत महेश्वरलाल श्रेष्ठ सहभागी हुने प्रधानमन्त्रीको सचिवालयले बताएको हो।
छलफलमा प्रियाराज रेग्मी र अम्बिकाप्रसाद पौडेल पनि सहभागी हुनेछ।
डाउन हुँदै गएको पुँजी बजार, सेयर कारोबार तथा बिमा क्षेत्रको सुदृढीकरण, नीतिगत सुधारका प्रयास र समग्र राष्ट्रिय अर्थतन्त्रका विषयमा छलफल हुने प्रधानमन्त्रीको सचिवालयले बताएको छ।
यसअघि प्रधानमन्त्री नेपाल उद्योग वाणिज्य महासंघ, ऊर्जा उद्यमी, महिला उद्यमी, फुटवेयर उद्यमीलगायतसँग भेटेर छलफल गरिसकेका छन्।
-1751183581.jpeg)
