योगदानमा आधारित सामाजिक सुरक्षा योजना आजदेखि कार्यान्वयनमा

राजनीति

गृहपृष्ठ
राजनीति

योगदानमा आधारित सामाजिक सुरक्षा योजना आजदेखि कार्यान्वयनमा

क्यापिटल नेपालबुधबार, साउन १, २०७६

काठमाडौं । नेपालको संविधानले व्यवस्था गरेअनुसार गत मंसिरबाट सुरु गरिएको योगदानमा आधारित सामाजिक सुरक्षा योजना आजदेखि कार्यान्वयनमा आउने भएको छ ।

योगदानमा आधारित सामाजिक सुरक्षा योजना नेपालको संविधानले नै सुरक्षा पाउने सम्पूर्ण मौलिक हकहरुलाई सुनिश्चित गर्ने आधार तय गरेको छ ।

सामाजिक सुरक्षा कोषले सुरुमा चार योजना सञ्चालनमा हुने जनाएको छ । जसमा औषधोपचार तथा मातृत्व सुरक्षा योजना, दुर्घटना तथा असक्त सुरक्षा योजना, आश्रित परिवार सुरक्षा योजना र वृद्धावस्था सुरक्षा योजना छन् ।

सामाजिक सुरक्षासम्बन्धी कार्यविधिमा रोजगारदाता कम्पनीले श्रमिकहरुको आधारभूत पारिश्रमिकबाट ११ प्रतिशत कट्टा गरेर त्यसमा २० प्रतिशत रकम थप गरी कुल ३१ प्रतिशत रकम कोषमा जम्मा गर्ने व्यवस्था छ । यसरी योगदानबापतको रकम सामाजिक सुरक्षा कोषमा जम्मा गरे मात्र सामाजिक सुरक्षा योजनाका सुविधा पाइनेछ ।

देशमा श्रमिक तथा कर्मचारीको कुनै पनि सुरक्षा नभएको भन्दै सरकारले सामाजिक सुरक्षाको सवालमा गम्भीर रहेको भन्दै गत मङ्सिर ११ गते नेपाल नयाँमा युगको सुरुवात नारा लिएर कोषको अवधारणा बृहत् रुपका सार्वजनिक गरेको थियो ।

प्रकाशित मिति: बुधबार, साउन १, २०७६ १५:०२

प्रतिक्रिया दिनुहोस्