भारतीय मूलका ऋषि सुनक बने बेलायतको प्रधानमन्त्री

मुख्य समाचार

गृहपृष्ठ
मुख्य समाचार

भारतीय मूलका ऋषि सुनक बने बेलायतको प्रधानमन्त्री

क्यापिटल नेपाल सोमबार, कात्तिक ७, २०७९

लन्डन, एएनआई । कन्जरभेटिभ पार्टीका नेता ऋषि सुनक बेलायतको पहिलो भारतीय मूलका प्रधानमन्त्री बनेका छन । प्रधानमन्त्री लिज ट्रससँग पराजित भएको दुई महिनाभन्दा कम समयमा ऋषि कन्जरभेटिभ पार्टीका तर्फबाट प्रधानमन्त्री बनेका हुन ।

प्रधानमन्त्री भएको डेढ महिनामा लिज ट्रसले पदबाट राजीनामा दिएपछि नेता सुनको भाग्योदय भएको हो । लिज ट्रस बेलायतको इतिहासमा सबैभन्दा कम समय सेवा गर्ने प्रधानमन्त्री बनेका छन ।

मन्त्रिपरिषद्का एक जना सदस्यलाई बर्खास्त गरेपछि उनले चर्को आलोचना खेप्नु परेको थियो । साथै उनको कार्यकालमा बेलाइतको मुद्रा अवमूल्यन भएको थियो

गत बिहीबार उनले राजीनामा दिएपछि सुनक र पूर्वप्रधानमन्त्री बोरिस जोनसन नयाँ प्रधानमन्त्रीको दौडमा थियो । तर बोरिस जोनसनले आफूलाई आवश्यक समर्थन रहेको दाबी गरे पनि पछि कन्जरभेटिभ पार्टीको नेतृत्व दौडबाट उहाँ बाहिरिएका थिए ।

नयाँ प्रधानमन्त्री सुनक पूर्वी अफ्रिकाबाट बेलायतमा बसाइँ सरेका भारतीय मूलका आमाबाबुका सन्तान हुन । उन हिन्दु धर्मावलम्बी हुन ।

अक्सफोर्ड र स्ट्यानफोर्ड विश्वविद्यालयका पूर्व छात्र सुनकले इन्फोसिसको संस्थापक प्रख्यात अर्बपति व्यापारी नारायण मूर्तिकी छोरी अक्षता मूर्तिसँग विवाह गरेका छन ।

प्रकाशित मिति: सोमबार, कात्तिक ७, २०७९ २१:३९

प्रतिक्रिया दिनुहोस्