विश्व अर्थतन्त्रमा व्यापक सुधार हुने मुद्रा कोषको प्रक्षेपण, यो वर्ष ६ प्रतिशतको अनुमान 

account_box क्यापिटल नेपाल ,
प्रकाशित: २०७७ चैत २५, बुधबार,०८:२८:AM  
विश्व अर्थतन्त्रमा व्यापक सुधार हुने मुद्रा कोषको प्रक्षेपण, यो वर्ष ६ प्रतिशतको अनुमान 

वासिङटन । चालु वर्ष र आगामी वर्षमा विश्व अर्थतन्त्रमा सुधार देखिने अन्तर्राष्ट्रिय मुद्रा कोष (आईएमएफ) ले पूर्वानुमान गरेको छ। उसले गत जनवरी महिनामा गरेको वेलायत र विश्व अर्थतन्त्र सम्बन्धी पूर्वानुमान परिमार्जन गरेको हो।

तर ब्रिटेनको अर्थतन्त्र सन् २०२२ को अन्त्यतिर मात्रै कोभिड १९ महामारी भन्दा अघिको अवस्थामा फर्कने अनुमान गरिएको छ। आईएमएफका अनुसार वेलायतमा यो वर्ष ५.३ प्रतिशत वृद्धि देखिने छ भने सन् २०२२मा वृद्धिदर ५.१ प्रतिशत रहने छ।

दुई वर्षको पूर्वानुमान हेर्दा वेलायतको अवस्था सन् २०२० देखि २०२२ का बीच जी ७ राष्ट्रमध्ये एक, इटली भन्दा राम्रो हुने देखिएको छ। यो वर्ष र आगामी वर्ष विश्व अर्थतन्त्रमा भने क्रमशः ६ प्रतिशत र ४.४ प्रतिशत वृद्धि देखिने बताइएको छ।

यस्तै आईएमएफले भारतको आर्थिक वर्ष २२ को वृद्धि अनुमान १२.५ पुर्‍याएको छ जुन जनवरीको सुरुमा ११.५ ले अनुमान गरिएको थियो।

आईएमएफको पूर्वानुमानले भारतलाई सब भन्दा द्रुत बृद्धि हुने प्रमुख अर्थतन्त्रको रूपमा खडा गर्‍यो र केवल एक जनाले महामारीले ग्रस्त २०२० बाट दुई अंकको रिकभरी रेकर्ड गर्ने अपेक्षा गरेको थियो।

कोरोना विरुद्धको खोपका कारण सुधार

पूर्वानुमान बारे एउटा ब्लगमा कोषकी प्रमुख अर्थशास्त्री गीता गोपीनाथले स्वास्थ्य अनि आर्थिक सङ्कटबाट बाहिर निस्कने बाटो देखिँदै गएको उल्लेख गरेकी छन्। सन् २०२१मा खोप अभियानले धेरै देशहरूको अवस्थामा सुधार ल्याउन सहयोग गर्ने उनले लेखेकी छन्।

तर फरक फरक रूपमा सुधार भइरहेको विषय बारे भने उनले चिन्ता व्यक्त गरेकी छन्। खोप वितरणमा सुस्त देखिएका राष्ट्र, अर्थनीतिमा सीमित समर्थन अनि पर्यटनमा आश्रित मुलुकहरूको धेरै राम्रो गर्न सक्ने सम्भावना कम रहेको बताइएको छ। यी मध्ये पहिलो दुई विषय विकासशील राष्ट्रहरूका लागि प्रमुख समस्या रहने बताइएको छ।


त्यस्ता धेरै मुलुकहरूको खोपमा पहुँच कम छ र उनीहरूलाई अर्थ तथा स्वास्थ्य सम्बन्धी नीतिमा लगानी गर्न कठिन हुनेछ।

उदीयमान र विकासशील अर्थतन्त्रहरूबीच चीन आर्थिक गतिविधिहरूका हिसाबले पूर्व महामारीको स्तरमा फर्किसकेको छ। तर उक्त समूहमा रहेका धेरै राष्ट्रहरूले सन् २०२३ अघि त्यस्तो गर्न नसक्ने ठानिएको छ।
(बीबीसीको सहयोगमा) 

क्यापिटल नेपाल

थप

expand_more
प्रतिक्रिया दिनुहोस
सम्बन्धित समाचार

क्याटेगोरी अर्थतन्त्र बाट थप

Top