के नेपाल भित्रिँदै छ केटीएम ड्यूक १२५ ?

मुख्य समाचार

गृहपृष्ठ
मुख्य समाचार

के नेपाल भित्रिँदै छ केटीएम ड्यूक १२५ ?

क्यापिटल नेपालआइतबार, मंसिर २८, २०७७

काठमाडौं । भारतीय बजारमा चर्चित ब्रान्ड केटीएम ड्युक १२५ सार्वजनिक हुने चर्चा चलिरहेको छ । अहिलेसम्म केटीएम ब्रान्डका २०० सीसी र २५० बीएस सिक्स मोडलका मोटरसाइकल लोकप्रिय छन् ।

अहिले १२५ सीसी सेग्मेन्टमा पनि केटीएम ड्युक आउने हल्ला नेपालमा पनि गुन्जिरहेको छ । तर, नेपालमा केटीएम ड्यूक १२५ कहिले भित्रिन्छ भन्ने टुङ्गो छैन । नेपालका लागी केटीएम ड्यूकको आधिकारिक वितरक गोल्छा ग्रुपले गर्दै आएको छ ।

तर, कम्पनीले केटीएम ड्यूक १२५ सेग्मेन्टको बाइक ल्याउने गृहकार्य नभएको बताएको छ ।

गोल्छा ग्रुपका निर्देशक अभिमन्यू गोल्छाले नेपालमा केटीएम ड्यूक १२५ सीसीको डिमान्ड नभएको र नेपालको भौगोलिक अवस्थाका कारण अफरोडमा आवश्यक पावर नदिने बताए ।

‘हामी केटीएम ब्रान्डको २०० सीसी तलका बाइक ल्याउने अवस्था छैन,’ उनले भने, ‘भारतमा १२५ सेग्मेन्टको बजार फरक छ भने डिमान्ड पनि छ’ । नेपालमा भने केटीएम ब्रान्डको १२५ सेग्मेन्ट मोडलको माग कम नै रहेको उनको भनाइ छ ।

प्रकाशित मिति: आइतबार, मंसिर २८, २०७७ १४:३७

प्रतिक्रिया दिनुहोस्