सिंगटी हाइड्रो इनर्जीको आईपीओ बाँडफाँड, २ लाख ६९ हजार ७०० ले पाए १० कित्ता

मुख्य समाचार

गृहपृष्ठ
मुख्य समाचार

सिंगटी हाइड्रो इनर्जीको आईपीओ बाँडफाँड, २ लाख ६९ हजार ७०० ले पाए १० कित्ता

क्यापिटल नेपाल शुक्रबार, चैत २७, २०७७

काठमाडौं । सिंगटी हाइड्रो इनर्जी लिमिटेडको प्राथमिक सेयर (आईपीओ) बाँडफाँड भएको छ । आईपीओ बाँडफाँड बिक्री प्रबन्धक मेगा क्यापिटल लिमिटेडको कार्यालयमा बाँडफाँड भएको हो ।

२ लाख ६९ हजार ७०० जना आवेदकले गोलाप्रथामार्फत १० कित्ताका दरले सेयर पाएका छन् । आईपीओमा रितपूर्वक आवेदन दिएका १५ लाख ६५ हजार ५३० जनालाई गोलाप्रथामा सहभागी गराइएको थियो ।

बिक्री प्रबन्धक मेगा क्यापिटलको वेबसाइट र मेरोसेयर एकाउन्टबाट आईपीओको नतिजा हेर्न सकिने भएको छ । यसैगरी सीडीएस एन्ड क्लियरिङ लिमिटेडले आईपीओ रिजल्ट हेर्न बनाएको वेबसाइ बाट पनि रिजल्ट हेर्न सकिन्छ ।

कम्पनीले चैत ६ गतेबाट १० गतेसम्म १०० रुपैयाँ दरको कुल २९ लाख कित्ता आईपीओ निष्कासन गरेको थियो । यसमध्ये ५८ हजार कित्ता कर्मचारी र १ लाख ४५ हजार कित्ता म्युचुअल फन्डहरुलाई छुट्याएर बाँकी २६ लाख ९७ हजार कित्ता सेयर सर्वसाधारणका लागि बिक्री खुला गरिएको थियो ।

प्रकाशित मिति: शुक्रबार, चैत २७, २०७७ १२:१०

प्रतिक्रिया दिनुहोस्