दुगड ग्रुपका अध्यक्ष माेतीलालकाे जन्मदिनमा २५ विद्यार्थीलाई छात्रवृत्ति, निःशुल्क आँखा शिविर पनि

मुख्य समाचार

गृहपृष्ठ
मुख्य समाचार

दुगड ग्रुपका अध्यक्ष माेतीलालकाे जन्मदिनमा २५ विद्यार्थीलाई छात्रवृत्ति, निःशुल्क आँखा शिविर पनि

क्यापिटल नेपालसोमबार, पुस २६, २०७८

काठमाडौं । दुगड ग्रुपले आर्थिक रूपमा कमजोर २५ जना विद्यार्थीहरूलाई उच्चशिक्षा अध्ययनका लागि छात्रावृत्ति घोषणा गरेको छ । ग्रुपका अध्यक्ष मोतीलाल दुगडको ७५ औं जन्मोत्सवको अवसरमा दुगड ग्रुपले उक्त घोषणा गरेको हो ।

यस्तै साेही अवसरमा ग्रुपले रक्तदान कार्यक्रम आयोजना गरी ६ सय ६६ युनिट रगत संकलन गरेको छ । साथै २ हजार ७ सय ३५ बाेटबिरुवा रोपण तथा ६४ जना वृद्धाहरूलाई खानासमेत खुवाएको छ ।

जन्मोत्सवकै अवसर पारी सोलुखुम्बु र रामेछाप जिल्लामा एमभी दुगडको आयोजनामा निःशुल्क आँखा शिविर पनि सञ्चालन गरेकाे हाे । पुस १८ देखि २३ गतेसम्म सोलुखुम्बु र रामेछाप जिल्लाका गोकुल गंगा, रस्नालु, प्रिती उमाकुण्ड, भण्डार हस्पिटल, गुम्देल हेल्थपोस्ट, चौलाखर्क हस्पिटलमा शिविर सञ्चालन भएकाे हाे । यसबाहेक एमभी दुगड ग्रुप-हाइड्रो डिभिजन, किन्जा सिटी हाउजिङलगायतका स्थानमा पनि शिविर आयोजना गरिएको थियो ।

शिविरमा ६६ जनाको निःशुल्क आँखाको शल्यक्रिया भएको छ ।

प्रकाशित मिति: सोमबार, पुस २६, २०७८ १६:५३

प्रतिक्रिया दिनुहोस्