सकियो नाडा अटो शो २०१९

मुख्य समाचार

गृहपृष्ठ
मुख्य समाचार

सकियो नाडा अटो शो २०१९

क्यापिटल नेपालसोमबार, भदौ १६, २०७६

काठमाडौं । नाडा अटो शो २०१९ आइतबार काठमाडौं भृकुटीमण्डपमा सम्पन्न भएको छ । भदौ १० गतेबाट सुरु भएको नाडा अटो सोमा करिब ८५ हजार अवलोकनकर्ता सहभागी भएको नाडाले जानकारी दिएको छ ।

मेला विगतमा भन्दा ठूलो स्थानमा, निकै व्यवस्थित, उत्कृष्ट स्टल र लेटेस्ट सवारी साधनका कारण निकै भब्य भएको र मेलाको मुख्य आकर्षणको रुपमा केही नयाँ ब्रान्डका सवारीसाधन र केही ब्रान्डले ल्याएका हाइब्रिड र इलेक्ट्रिक कारमा निकै ठूलो भीड लागेको थियो । अटो सो विगतमा जस्तै यस वर्ष पनि निकै भव्य भएको अवलोकनकर्ताहरुको भनाइ छ ।

यस नाडा अटो शोको टाइटल स्पोन्सर सर्वो लुब्रिकेन्टसले गरेको थियो । उक्त सर्वो लुब्रिकेण्टसले ६ पटक टाइटल स्पोन्सर गरिसकेको छ । यस वर्षको थप आकर्षणमा ओमेगा अटोमोबाइल्सको प्रायोजनमा नाडाले जीपीएक्स. जेन्टलमेन २०० सीसी क्षमताको मोटरसाइकल टिकटको लक्की ड्र गरी भाग्यशाली एक जना आगन्तुकलाई उपहार दिने व्यवस्था गरेको थियो ।