एमाले अध्यक्ष ओलीसहित ५ नेताविरुद्ध समाजवादीनिकट अ‍नेरास्ववियुद्वारा अख्तियारमा उजुरी

राजनीति

गृहपृष्ठ
राजनीति

एमाले अध्यक्ष ओलीसहित ५ नेताविरुद्ध समाजवादीनिकट अ‍नेरास्ववियुद्वारा अख्तियारमा उजुरी

क्यापिटल नेपालबिहीबार, फागुन ५, २०७८

काठमाडौं । नेकपा एमाले अध्यक्ष केपी शर्मा ओलीलगायतका केही नेताहरुविरुद्ध अख्यितारमा उजुरी परेको छ ।

नेकपा एसनिकट अ‍नरास्ववियुले बिहीबार अख्तियार दुरुपयोग अनुसन्धानमा तत्कालीन प्रधानमन्त्री ओली र उनको क्याबिनेटमा रहेका ईश्वर पोखरेल, योगेश भट्टराई, पद्मा अर्याल र भानुभक्त ढकालविरुद्ध उजुरी दर्ता गरेको हो ।

झापा जिल्लास्थित गिरीबन्ध टी स्टेटको नाममा विर्तामोड र अर्जुनधारामा रहेको करिब ३०० बिघा जग्गा सट्टापट्टा गर्न पाउने गरी ऐन संशोधन गर्दा ओली र अर्यालले नीतिगत भ्रष्टाचार गरेको उजुरी पत्रमा आरोप लगाइएको छ ।

यस्तै कोरोना महामारीको समयमा ओम्नी ग्रुपसँग मिलेमतो गरी स्वास्थ्य सामग्री खरिद प्रक्रियामा तत्कालीन सीसीएमसी को संयोजक हैसियतमा पोखरेल र स्वास्थ्य मन्त्रीको ढकालले करोडौ रुपौयाको भष्ट्राचार गरेको आरोपसमेत स्ववियुले लगाएको छ ।

यसबाहेक राज्य कोषको करोडौं रकम तत्कालीन संस्कृति पर्यटन तथा नागरिक उड्डयन मन्त्री भट्टराईले नेपाल भ्रमण वर्षका नाममा प्रचारप्रसारका लागि अपचलन गरेको आरोप पनि दर्ता भएको उजुरीमा छ ।

प्रकाशित मिति: बिहीबार, फागुन ५, २०७८ १३:३३

प्रतिक्रिया दिनुहोस्