नेपाल राष्ट्रिय व्यवसायी महासंघको दोस्रो महाधिवेशन मंगलबार

मुख्य समाचार

गृहपृष्ठ
मुख्य समाचार

नेपाल राष्ट्रिय व्यवसायी महासंघको दोस्रो महाधिवेशन मंगलबार

क्यापिटल नेपाल सोमबार, चैत २१, २०७८

काठमाडाैं । देशभरका साना उद्योगी तथा व्यवसायीको छाता संगठन नेपाल राष्ट्रिय व्यवसायी महासंघको दोस्रो राष्ट्रिय महाधिवेशन यही चैत २२ गते मंगलबार हुने भएको छ ।

देशभरका झन्ढ २ दर्जन व्यापार संघ आबद्ध महासंघको चौंथो वार्षिक साधारणसभा एवं दोस्रो राष्ट्रिय महाधिवेशन एभरेस्ट होटल नयाँ बानेश्वरमा हुन लागेको हो । साना उद्योगी तथा व्यवसायीलाई परेका समस्यालाई समाधान गर्दै मुलुकको आर्थिक विकासमा लाग्दै आएको महासंघले सर्वसम्मत नेतृत्व चयन गर्ने अध्यक्ष नरेश कटुवालले जानकारी दिए ।

महासंघले पछिल्लो समय बैंक तथा वित्तीय संस्थाले अस्वाभाविक रूपले बढाएको ब्याजले उद्योगी व्यवसायीलाई नराम्रो असर परेको भन्दै यसबारे पुनर्विचार गर्न सरकारको ध्यानाकर्षणसमेत गरेको छ । यस्तै महासंघले उद्योगका लागि चाहिने दक्षजनशक्ति तयार गर्न सरकारले तालिम केन्द्रको स्थापना गर्नुपर्ने, कच्चा पदार्थमा बन्दै आएको परनिर्भरता हटाउनका लागि सरकारले खोज अनुसन्धान गर्नुपर्ने, काठमाडौं उपत्यकालगायत सडक फुटपाथको सही व्यवस्थापन हुनुपर्ने, भन्सार नाकामा व्यवसायीको सहज पहुँच हुनुपर्ने बताएको छ ।

यसैगरी उद्योग व्यवसायको क्षमता र प्रकृति हेरेर उद्योगी व्यवसायीका लागि बिनाधितो ऋणको व्यवस्था गर्नुपर्ने, अर्थतन्त्रमा देखिएको समस्या समाधान गर्नका लागि सरकार र निजी क्षेत्रबीच समन्वय समिति गठन गर्नुपर्ने, साना तथा मझौला व्यवसायीलाई नीति निर्माण तहमा सहज पहुँच बनाउनुपर्ने माग व्यवसायीले राखेका छन् ।

प्रकाशित मिति: सोमबार, चैत २१, २०७८ १२:२८

प्रतिक्रिया दिनुहोस्