गठबन्धनलाई सेती नदीमा बगाइदिए हुन्छः केपी ओली

राजनीति

गृहपृष्ठ
राजनीति

गठबन्धनलाई सेती नदीमा बगाइदिए हुन्छः केपी ओली

क्यापिटल नेपालसोमबार, वैशाख २६, २०७९

पाेखरा । पाेखरामा साेमबार नेकपा एमालेले आयोजना गरेको चुनावी सभालाई एमाले अध्यक्ष केपी शर्मा ओलीले सत्ता गठबन्धनलाई सेती नदीमा बगाइदिनुपर्ने बताएका छन्।

पोखराकाे चुनावी सभालाई आज सम्बोधन गर्दै ओलीले साे कुरा बताएका हुन्। हामी ‘पाँच दलीय गठबन्धनलाई पराजित गरेर राष्ट्रनिर्माणको महाभियानमा लाग्दैछौं,’ उनले भने, ‘टुडो भाँचिएकाे मसी नभएको कलम जस्तो हो र, यस्ताका विरूद्ध एक जुट भएर सेतीमा बगाइदिनुपर्छ।’

पोखरा महानगरमा एमालेका उम्मेदवार जिताउन ओलीले आग्रह गर्दै विकासको जिम्मा पार्टीले लिने दाबी गरे। ‘उम्मेदवार जिताउने जिम्मा तपाईंको, विकासको जिम्मा एमालेको’ उनले भने, ‘यही सन्देश गाउँ-गाउँमा टोल टोलमा यही भनेको छ एमालेको अध्यक्षले भनेर पुर्‍याइदिनुस्।’