‘आइसिटी अवार्ड २०२२’ को लागि अनलाइन नोमिनेसन बुधबारसम्म बुझाउन सकिने

मुख्य समाचार

गृहपृष्ठ
मुख्य समाचार

‘आइसिटी अवार्ड २०२२’ को लागि अनलाइन नोमिनेसन बुधबारसम्म बुझाउन सकिने

क्यापिटल नेपाल सोमबार, भदौ १३, २०७९

काठमाडौं । आइसिटी अवार्डको सातौं संस्करणका लागि विभिन्न १२ विधामा अनलाइन नोमिनेसन (आवेदन) बुझाउने समय बुधबारसम्म तोकिएको छ।

साे लिभिङ विथ आइसिटीको आयोजना र विभिन्न राष्ट्रिय तथा अन्तर्राष्ट्रिय संस्थाहरूको सहकार्यमा आयोजनामा हुन लागेको ‘आइसिटी अवार्ड २०२२’ मा पहिलोपटक दक्षिण एसियाली देशहरूलाई लक्षित गरेर ‘साउथ एसिया स्टार्टअप आइसिटी अवार्ड‘ पनि आयोजना हुनेछ ।

यसैगरी नेपालको लागि स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टार इनोभेसन आइसिटी अवार्ड गरी ३ विधा स्टार्टअप तथा इनोभेसन सम्बन्धित विधाहरु छ ।

प्रविधिको क्षेत्रमा विशेष योगदान गरेका व्यक्तिहरुलाई दिइने अवार्डका विधाहरुमा पायोनियर आन्टरप्रेनर आइसिटी अवार्ड, आइसिटी अवार्ड, नेपाली डायस्पोरा आइसिटी अवार्ड र वुमन आइकन आइसिटी अवार्ड छन् ।

यसैगरी प्रविधिको प्रयोगमार्फत उत्कृष्ट सेवा दिने सरकारी तथा निजी संस्थाहरूलाई प्रदान गरिने अवार्डहरूमा डिजिटल एजुकेसन आइसिटी अवार्ड (पब्लिक सेक्टर), डिजिटल गभर्नेन्स आइसिटी अवार्ड, डिजिटल एजुकेसन आइसिटी अवार्ड (प्राइभेट सेक्टर) र डिजिटल सर्भिसेस आइसिटी अवार्ड छन् ।
साे अवार्डमा नोमिनेसन गर्न आइसिटी अवार्ड डटओआरजी वेबसाइटमा गएर विधा छनेट गरी अनलाइन फारम बुझाउनुपर्ने हुन्छ ।

प्रकाशित मिति: सोमबार, भदौ १३, २०७९ १२:२४

प्रतिक्रिया दिनुहोस्